'बाळासाहेब ठाकरेंमुळे मला जीवनदान मिळालं..' अमिताभ बच्चनने सांगितला 'तो' किस्सा, नेमकं काय घडलं?
Balasaheb Thackerays 100th Birth Anniversary: आज बाळासाहेब ठाकरे यांची 100 वी जयंती साजरी होत आहे. अमिताभ बच्चन यांनी बाळासाहेबांमुळे मिळालेल्या जीवनदानाचा किस्सा सांगितला.
Balasaheb Thackerays 100th Birth Anniversary: शिवसेनेचे संस्थापक आणि दिवंगत नेते बाळासाहेब ठाकरे यांची आज 100 वी जयंती. त्यांनी मराठी लोकांना आपला बुलंद आवाज दिला. त्यांनी राजकीय कारकिर्दीतून सामान्यांच्या मनात "आपला माणूस" अशी छाप सोडली. मराठी अस्मितेसाठी त्यांनी कायम लढा दिला. राजकारणातील ते हुकूमी एक्का होते. तसेच त्यांचे मनोरंजनसृष्टीशीही जवळचे नाते होते. त्यांचे बिग बी अमिताभ बच्चन यांच्याशी अगदी खास नाते होते. अमिताभ बच्चन यांनी एका मुलाखतीत बाळासाहेबांसोबतचा एक किस्सा शेअर केला. बाळासाहेबांमुळे दुसरे जीवनदान मिळाले असल्याचं त्यांनी सांगितलं. तो किस्सा नेमका काय? जाणून घेऊयात.
अमिताभ बच्चन यांना बाळासाहेबांकडून मोठी मदत
सुरूवातीच्या काळात चित्रपटांमुळे अमिताभ बच्चन यशाच्या शिखरावर होते. त्यांचा कुली हा चित्रपट सुपरहिट ठरला. या चित्रपटातील फायटिंगच्या सीनची प्रचंड चर्चा झाली. कारण या सीनमध्ये अमिताभ बच्चन यांना खरोखर दुखापत झाली होती. त्यांना शुटिंग अर्ध्यावरच सोडून रूग्णालयात नेणे गरजेचं होते. त्यादिवशी मुंबईतील हवामान प्रचंड खराब होते. त्यामुळे रूग्णावाहिका घटनास्थळी वेळेत पोहोचणे अशक्य होते. त्यावेळी त्यांच्या मदतीला बाळासाहेब ठाकरे मदतीसाठी धावून गेले. त्यांनी बिग बींसाठी शिवसेनेची रूग्णवाहिका पाठवली.
'बाळासाहेबांसोबत आमचे कायम कौटुंबिक नाते होते'
बिग बींनी मुलाखतीत घडलेल्या संपूर्ण घटनेबाबत किस्सा सांगितला. ते म्हणाले, "जेव्हा मला सर्वात जास्त गरज होती, तेव्हा बाळासाहेब ठाकरे माझ्या मदतीला धावून आले. जर तेव्हा मला त्यांनी मदत केली नसती तर, आज मी कदाचित जिवंत नसतो", असं त्यांनी स्पष्ट केलं. "बाळासाहेबांसोबत आमचे कायम कौटुंबिक नाते होते. जेव्हा जया आणि माझे लग्न झाले. तेव्हा बाळासाहेबांचा मला फोन आला होता. मी त्यांना भेटायला गेलो होतो. तेव्हा ते म्हणाले, आता तुझे लग्न झाले. तुझ्या बायकोला एकदा घरी घेऊन ये. आम्ही जोडीने त्यांच्या घरी गेलो. त्यांच्या आईने आमचे स्वागत केले. जयाचे असे स्वागत केले जणू ती त्यांचीच सून आहे. त्यांनी मला आयुष्यात बऱ्याचदा मार्गदर्शन दिले आहे", असं मुलाखतीत अमिताभ म्हणाले.
महत्त्वाच्या इतर बातम्या:
महत्त्वाच्या बातम्या
