एक्स्प्लोर

Allu Arjun : इन्स्टाग्रामवर तब्बल 16 लाख फॉलोअर्स, पण पुष्पा फेम अर्जुन करतो फक्त या व्यक्तीला फॉलो

अल्लू अर्जुनला सोशल मीडियावर 16 लाखपेक्षा जास्त फॉलोअर्स आहेत.

By : एबीपी माझा वेब टीम | Edited By: प्रियांका कुलकर्णी | Updated at : 14 Feb 2022 07:31 AM (IST)

Allu Arjun

Allu Arjun follow only one person on Instagram : दाक्षिणात्य चित्रपटसृष्टीसोबतच बॉलिवूडमध्ये देखील विशेष ओळख निर्माण करणारा अभिनेता अल्लू अर्जुन (Allu Arjun) सध्या 'पुष्पा द राइज' (Pushpa: The Rise) या चित्रपटातील अभिनयामुळे चर्चेत आहे. रिपोर्टनुसार या चित्रपटामध्ये काम करण्यासाठी अल्लू अर्जुननं 50 कोटी रूपये मानधन घेतलं होते. अल्लू अर्जुनच्या चाहते हे त्याच्या वैयक्तिक आयुष्याबद्दल जाणून घेणयासाठी उत्सुक असतात. अल्लू अर्जुनचा चाहता वर्ग मोठा आहे. त्याला सोशल मीडियावर 16 लाखपेक्षा जास्त फॉलोअर्स आहेत. पण अल्लू अर्जुन हा सोशल मीडियावर एकाच व्यक्तीला फॉलो करतो. ती व्यक्ती कोण ते पाहूयात...

अल्लू अर्जुनला इन्स्टाग्रामवर 16.8 मिलियन नेटकरी फॉलो करतात. त्याच्या प्रत्येक पोस्टला त्याचे चाहते लाइक करतात. पण अल्लू अर्जुन हा इन्स्टाग्रामवर एकाच व्यक्तीला फॉलो करतो. ती व्यक्ती आहे त्याची पत्नी स्नेहा रेड्डी. स्नेहासोबतचे फोटो आणि व्हिडीओ तो इन्स्टाग्रामवर शेअर करतो. तसेच त्याच्या मुलीचे म्हणजेच अरहाचे फोटो देखील इन्स्टाग्रामवर शेअर करतो.

अल्लू अर्जुनने 2011 मध्ये स्नेहा रेड्डीसोबत लग्नगाठ बांधली. त्याचा लग्न सोहळा त्यावेळी चर्चेत होता. जवळपास 100 कोटी रूपये या समारंभासाठी खर्च करण्यात आले होते.