Akshay Kumar Viral Video : 'OMG 2' च्या यशानंतर आता अक्षय कुमारने त्याच्या नवीन चित्रपटाच्या शूटिंगला सुरुवात केली आहे. सध्या तो उत्तर प्रदेशातील सीतापूर या ठिकाणी शूटींगकरता व्यस्त आहे. त्याठिकाणचा अक्षय कुमारचा व्हिडीओ एक व्हिडीओ नुकताच समोर आला आहे. तो त्याच्या अगदी हटक्या अंदाजात दिसत आहे. त्याच्या चाहत्यांना हा व्हिडीओ खूप आवडला आहे.
एएनआयने आपल्या एक्स (ट्विटर) अकाऊंटवर एक व्हिडिओ शेअर केला आहे ज्यामध्ये अक्षय कुमार बाईक चालवताना दिसत आहे. व्हिडिओमध्ये अक्षय बाईकवरून या पोलिसांना अभिवादन करताना आणि हात मिळवताना दिसत आहे. अनेक पोलिसही त्याच्यासोबत सेल्फी काढताना देखील व्हिडीओमध्ये दिसत आहे.
काय आहे व्हिडीओ
व्हायरल होत असलेल्या व्हिडीओमध्ये अक्षय कुमार त्याच्या हटक्या स्टाईलमध्ये बाईकवरून पोलिसांना भेटत आहे. तर तो त्याची बाईक बाजूला उभी करतो आणि दुसऱ्या बाजूला त्याची वाट पाहत असलेल्या त्याच्या चाहत्यांना भेटतो. व्हिडिओमध्ये, अक्षयने डेनिमचा पांढरा आणि निळा स्ट्रीप असलेला शर्ट घातला आहे.
अक्षय कुमारचे आगामी चित्रपट
अक्षय कुमार 'स्काय फोर्स' नावाच्या चित्रपटासाठी शूटिंग करत आहे. मात्र, याबाबत अद्याप कोणतीही अधिकृत घोषणा करण्यात आलेली नाही. याशिवाय अभिनेत्याकडे 'हाऊसफुल 5', 'वेलकम टू द जंगल', 'हेरा फेरी 3' सारखे सिनेमेही आहेत. अक्षय कुमारचा 'सूरराई पोत्रू' चा हिंदी रिमेक फेब्रुवारी 2024 मध्ये रिलीज होणार आहे. टायगर श्रॉफसोबत 'बडे मियाँ छोटे मियाँ' या अॅक्शन थ्रिलर चित्रपटातही तो दिसणार आहे. हा चित्रपटही पुढच्या वर्षी प्रदर्शित होणार आहे.
ओएमजी 2 चे कलेक्शन
SacNilk च्या रिपोर्टनुसार, अक्षय कुमारच्या ओएमजी 2 या चित्रपटानं 13 व्या दिवशी जवळपास 3 कोटींची कमाई केली आहे. त्यानंतर आता या चित्रपटाचं एकूण कलेक्शन जवळपास 123.72 कोटी झाले आहे. वीकेंडला ओएमजी 2 चित्रपटाचे कलेक्शन वाढेल आणि हा चित्रपट 150 कोटींच्या क्लबमध्ये सामी होईल, असा अंदाज लावला जात आहे. 'OMG 2' हा एक कॉमेडी-ड्रामा चित्रपट आहे. ज्यामध्ये अक्षय कुमार,यामी गौतम आणि पंकज त्रिपाठी या कलाकारांनी प्रमुख भूमिका साकारली आहे. या चित्रपटात पंकज त्रिपाठी यांनी कांती शरण मुद्गल यांची भूमिका साकारली आहे. ओएमजी-2 हा चित्रपट 2012 मध्ये प्रदर्शित झालेल्या अक्षयच्या ओएमजी या चित्रपटाचा सिक्वेल आहे.
इतर महत्वाच्या बातम्या