Ajit Pawar Funeral: दादाच नाहीत, मला फोन करून आत कोण घेणार? गायक आनंद शिंदे अंत्यसंस्काराला आले अन् बाहेरूनच परतले

प्रसिद्ध गायक आनंद शिंदे यांनीही दादांच्या अंत्यदर्शनाला आत प्रवेश मिळालं नसल्याची खंत बोलून दाखवत हात जोडत निघून जाणं पसंत केलं. दादांच्या निधनाने ते भावुक झालेले दिसले.

Anand Shinde Ajit Pawar Funeral

Source : ABPLIVE AI

Ajit Pawar Funeral:राज्याचे उपमुख्यमंत्री अजित पवारांच्या अकाली मृत्यूमुळे राज्याच्या सर्वच स्तरात दुःखाची लाट उसळली आहे. अजित पवार यांच्यावर शोकाकुल वातावरणात अंत्यसंस्कार करण्यात आले. अजित दादांना शेवटचा निरोप देण्यासाठी लाखांचा जनसमुदाय, समर्थक, सर्वपक्षीय नेते उपस्थित होते. अजित दादा पंचतत्वात विलीन झाले आहेत. आपला नेता जगातून निघून गेल्याने सर्वांनाच भावना अनावर झाल्या आहेत.  आता कोणत्याही सभेत अजित दादा दिसणार नाहीत. विकासकामांचा आढावा घेणारे दादा कुठल्याही पत्रकार परिषदेत नसतील. आपल्या मिश्किल, मोकळ्या स्वभावाने, हक्काने बोलावणार कोणी राहिला नाही अशी भावना कार्यकर्ते, चाहत्यांच्या मनात आहे. दरम्यान, प्रसिद्ध गायक आनंद शिंदे यांनीही दादांच्या अंत्यदर्शनाला आत प्रवेश मिळालं नसल्याची खंत बोलून दाखवत ज्या दादांसोबत मी बसलो उठलो. पण आता फोन करताच शिंदेंना आत घेऊन या म्हणणारं कोणीच राहिलं नाही. असं म्हणत आनंद शिंदे यांनी हात जोडत निघून जाणं पसंत केलं. दादांच्या निधनाने ते भावुक झालेले दिसले.

अजित पवारांच्या अकाली मृत्यूमुळे राज्याच्या सर्वच स्तरात दुःखाची लाट उसळली. विद्या प्रतिष्ठानमध्ये ज्येष्ठे नेते शरद पवार,  केंद्रीय गृहमंत्री अमित शाह, केंद्रीय मंत्री नितीन गडकरी यांच्यासह मुख्यमंत्री देवेंद्र फडणवीस, उपमुख्यमंत्री एकनाथ शिंदे, मनसे अध्यक्ष राज ठाकरे यांच्यासह सर्व पक्षांतील ज्येष्ठ नेतेमंडळी उपस्थित होती. अजितदादा अमर रहेच्या घोषणांमध्ये दादांना पार्थ पवार आणि जय पवार यांनी साश्रू नयनांनी अंत्यसंस्कार केले.

काय म्हणाले आनंद शिंदे?

उपमुख्यमंत्री अजित पवार यांच्या अकाली निधनाने संपूर्ण महाराष्ट्र हळहळत आहे. त्यांचं शेवटचं दर्शन घेण्यासाठी , त्यांना अखेरचा निरोप देण्यासाठी लाखोंचा जनसमुदाय बारामतीत दाखल झाला होता. दादांना अखेरची मानवंदना देताना अनेकांना गलबलून आले.  काहींना अंत्यदर्शन बाहेरून घ्यावे लागले. दरम्यान, प्रसिद्ध गायक आनंद शिंदे हे सुद्धा अजित पवार यांच्या अंत्यदर्शनाला आले होते. पण प्रचंड गर्दीमुळे त्यांना आत जाता आलं नाही. यामुळे भावुक होऊन त्यांनी तिथून काढता पाय घेतल्याचं दिसलं. त्यांनी अंत्यसंस्काराला आत प्रवेश न मिळाल्याचं सांगत खेद व्यक्त केला. ते म्हणाले." आता काहीच सुचत नाही.  आत इतकी गर्दी आहे की मीसुद्धा आतमध्ये जाऊ शकलो नाही. ही खेदाची गोस्ट आहे कि मी इथपर्यंत येऊन त्यांचं दर्शन घेऊ शकलो नाही. ज्या दादांसोबबत मी बसलो उठलो, कुणाचं काहीही काम असलं कि मी थेट दादांना फोन करायचो. मग दादा सांगायचे शिंदेंना घेऊन या. पण आता दादाच तिथे आहेत मग मला कोण फोन करून बोलावून घेणार. दादांना शेवटचं भेटता येत नसल्याने गायक आनंद शिंदे यांनी तिथून निघून जाणं पसंत केलं. दादांच्या आठवणीने ते भावुक झाले होते.