Neha Shitole : अभिनेत्री झाली गीतकार! महेश मांजरेकरांच्या ‘दे धक्का 2’साठी मराठी अभिनेत्रीने लिहिलं गाणं!
Neha Shitole : आपण या नव्या क्षेत्रात कसा प्रवेश केला, हे सांगणारी एक पोस्ट नेहाने सोशल मीडियावर शेअर केली आहे.
De Dhakk 2 : नुकताच बहुप्रतीक्षित मराठी चित्रपट ‘दे धक्का 2’चा (De Dhakka 2) ट्रेलर नुकताच रिलीज झाला आहे. हा ट्रेलर पाहून प्रेक्षक पोट धरून खळखळून हसले आहेत. यंदा या चित्रपटातून जाधवांची स्वारी थेट लंडनच्या राणीच्या घरी जाणार आहे. ‘दे धक्का 2’ हा चित्रपट सगळ्याच अर्थांनी खास असणार आहे. या चित्रपटाच्या निमित्ताने एका मराठी अभिनेत्रीचं गीत लेखन क्षेत्रात पदार्पण झालं आहे. मराठमोळी अभिनेत्री नेहा शितोळे (Neha Shitole) हिने आगामी ‘दे धक्का’ या चित्रपटासाठी गीतलेखन केलं आहे.
स्वतः नेहाने सोशल मीडियाद्वारे याची माहिती दिली आहे. आपण या नव्या क्षेत्रात कसा प्रवेश केला, हे सांगणारी एक पोस्ट नेहाने सोशल मीडियावर शेअर केली आहे. याचं क्रेडिट तिने दिग्दर्शक-निर्माते-अभिनेते महेश मांजरेकर (Mahesh Manjrekar) यांना दिले आहे. सोशल मीडियावर पोस्ट लिहित तिने चित्रपटाच्या टीमचे आभार देखील मानले आहेत.
काय म्हणाली नेहा शितोळे?
अभिनेत्री नेहा शितोळे हिने नुकतीच एक पोस्ट सोशल मीडियावर शेअर केली आहे. ‘महेश मांजरेकर हा माणूस आयुष्यात नुसता भेटणं सुद्धा जिथे कमाल वाटतं तिथे त्यांनी तुम्हाला appreciate करणं, त्यांच्या सोबत काम करायला मिळणं आणि त्यांचं थोडं प्रेम आपल्या वाट्याला येणं... हे सगळं अविश्वसनीय आहे... Thank you @maheshmanjrekar sir... माझ्यावर विश्वास ठेवल्याबद्दल... एका वेगळया रुपात लोकांसमोर आणल्या बद्दल... माझ्या शब्दांना योग्य न्याय दिल्याबद्दल...’ असे तिने आपल्या पोस्टमध्ये लिहिले आहे. सोबतच तिने गाण्याची लिंक देखील शेअर केली आहे.
पाहा पोस्ट :
View this post on Instagram
नेहा शितोळेचा अल्पपरिचय
अभिनेत्री नेहा शितोळे ही मराठी टीव्ही विश्वातील बहुचर्चित अभिनेत्री आहे. ‘फू बाई फू’, ‘तू तिथे मी’, ‘का रे दुरावा’, ‘कुंकू’ असा लोकप्रिय मालिकांमधून तिने आपल्या अभिनयाचा जलवा दाखवला आहे. ‘दिशा’, ‘पोपट’, ‘सूरसपाटा’ यांसारख्या चित्रपटांमध्येही ती झळकली आहे. नेटफ्लिक्सच्या ‘सेक्रेड गेम’ या वेब सीरिजमधून तिने हिंदी मनोरंजन विश्वातही पदार्पण केले. नेहा ‘बिग बॉस मराठी 2’मध्येही सहभागी झाली होती.
हेही वाचा:
De Dhakka 2 Trailer : 'काय झाडी, काय हाटेल, ओक्केमध्ये एकदम...'; ‘दे धक्का 2’चा भन्नाट ट्रेलर रिलीज
महत्त्वाच्या बातम्या
