Actress Divya Suresh Faces Harassment In Bengaluru: प्रसिद्ध अभिनेत्री अन् तिच्या बहिणीसोबत मध्यरात्री घडला भयंकर प्रकार; दोघींना पाहून रस्त्यावरच्या माणसाचं किळसवाणं कृत्य, नको नको तिथे स्पर्श करुन...
Actress Divya Suresh Faces Harassment In Bengaluru: दिव्यानं आपल्या इन्स्टाग्राम स्टोरीमध्ये लिहिलंय की, एका अनोळखी व्यक्तीनं तिचा पाठलाग करायला सुरुवात केली आणि तिच्यासमोर अश्लील चाळे केले.
Actress Divya Suresh Faces Harassment In Bengaluru: एका प्रसिद्ध अभिनेत्रीसोबत (Actress) बंगळुरूमध्ये (Bengaluru) नको ते कृत्य घडलंय. अभिनेत्रीनं स्वतः याबाबत पोस्ट करत खुलासा केलाय. अभिनेत्री आणि 'बिग बॉस कन्नड'ची (Bigg Boss Kannada) माजी स्पर्धक दिव्या सुरेश (Divya Suresh) हिनं बंगळुरूमध्ये रात्रीच्या वेळी घडलेल्या विनयभंगाच्या घटनेबद्दल माहिती दिलीय. सोशल मीडियावरील एका पोस्टमध्ये तिनं सांगितलं की, रविवारी रात्री साडेअकराच्या सुमारास ती आपल्या बहिणीसोबत कारकडे जात असताना ही घटना घडली. दिव्यानं आपल्या इन्स्टाग्राम स्टोरीमध्ये लिहिलंय की, एका अनोळखी व्यक्तीनं तिचा पाठलाग करायला सुरुवात केली आणि तिच्यासमोर अश्लील चाळे केले. तिनं असंही सांगितलं की, तिनं आणि तिच्या बहिणीनं लगेचच त्या व्यक्तीला जाब विचारला, पण तो थांबला नाही आणि त्यानं कारमध्ये बसेपर्यंत त्यांचा पाठलाग केला.
अभिनेत्री दिव्या सुरेश नेमकं काय म्हणाली? (Actress Divya Suresh On Harassment)
दिव्या सुरेशनं तिच्या इन्स्टाग्राम स्टोरीवरील पोस्ट शेअर करत लिहिलं की, "मी आणि माझी बहीण रात्री साधारण 11:30 वाजता आमच्या गाडीकडे जात होतो, तेव्हा एक माणूस आमचा पाठलाग करू लागला. पाठलाग करताना तो उघडपणे त्याच्या गुप्तांगांना स्पर्श करत होता. स्वतःच्याच शरीराला तो नको नको तिथे स्पर्श करत होता आणि आमच्याकडे पाहत होता. आम्ही त्याला लगेच थांबवलं, पण तो थांबला नाही. आम्ही आमच्या गाडीत बसेपर्यंत त्यानं ते सुरूच ठेवलं..."
दिव्या सुरेशनं पोस्टमध्ये बंगळूर पोलिसांना टॅग करुन प्रश्न उपस्थित केलाय. ती म्हणाली की, "आम्हाला जे सुरक्षेचं आश्वासन दिलं जातं, ते कुठे आहे?" दिव्यानं तिच्या इन्स्टाग्राम स्टोरीवर या घटनेचा एक व्हिडीओ देखील शेअर केलेला. पण, स्टोरी एका मर्यादित वेळेपर्यंतच दिसते, त्यामुळे आता तो दिसत नाहीय.
कोण आहे अभिनेत्री दिव्या सुरेश? (Who Is Actress Divya Suresh?)
33 वर्षांची अभिनेत्री दिव्या सुरेश 'बिग बॉस कन्नड 8' या टीव्ही शोमध्ये सहभागी झालेली. 2021 मध्ये प्रसारित झालेल्या या रिअॅलिटी शोचं सूत्रसंचालन किच्चा सुदीप यांनी केलेलं. तिनं 'नन्ना हेंधथी एमबीबीएस' (Nanna Hendthi MBBS) आणि 'जोडी हक्की' (Jodi Hakki) यांसारख्या कन्नड टीव्ही सीरिअल्समध्येही काम केलंय. दिव्यानं 2017 मध्ये 'मिस इंडिया साऊथ'चा किताब जिंकला. त्याच वर्षी तिनं '#9 हिल्टन क्रॉस' (#9 Hilton Cross) या कन्नड सिनेमाद्वारे चित्रपटसृष्टीत पदार्पण केलं. तसेच, ती 'रौडी बेबी' (Rowdy Baby), 'केम्पू हलदी हसिरु' (Kempu Haladi Hasiru) आणि 'हिरण्या' (Hiranya) यांसारख्या अनेक सिनेमांमध्येही झळकली आहे.
महत्त्वाच्या इतर बातम्या :
महत्त्वाच्या बातम्या
