Oscars 2022 : ‘थप्पड’ प्रकरणावर अभिनेता विल स्मिथने मागितली जाहीर माफी, कारवाई करणार ‘ऑस्कर’चं वक्तव्य!

Academy Awards 2022 : ऑस्करच्या मंचावर एक अभिनेता आणि होस्ट यांचा अशा प्रकारे हाणामारी करतानाचा व्हिडीओ सोशल मीडियावर मोठ्या प्रमाणात व्हायरल होत आहे.

Oscars slap

Oscars 2022 :  ऑस्कर सोहळ्याचा (ऑस्कर 2022) होस्ट-अमेरिकन कॉमेडियन ख्रिस रॉक (Chris Rock) याला अभिनेता विल स्मिथने (Will Smith) कानाखाली मारल्याने आतानवा वाद सुरू झाला आहे. या वादानंतर ऑस्करने या प्रकरणाची अधिकृत चौकशी सुरू केली आहे. अकादमीने जारी केलेल्या अधिकृत वक्तव्यात म्हटले आहे की, ‘अकादमी काल रात्रीच्या कार्यक्रमातील स्मिथ यांच्या कृतीचा निषेध करते. आम्ही अधिकृतपणे घटनेचा औपचारिक आढावा सुरू केला आहे.’

यात त्यांनी सांगितले की, या घटनेची चौकशी केल्यानंतर ऑस्करने नियम, स्टँडर्ड ऑफ कंडक्ट आणि कॅलिफोर्निया कायद्यानुसार कारवाई करणार आहे.

नेमकं काय झालं?

अभिनेता विल स्मिथ याला ‘किंग रिचर्ड्स’साठी ‘सर्वोत्कृष्ट अभिनेत्या’चा पुरस्कार मिळाला आहे. जेव्हा, अभिनेता पुरस्कार स्वीकारण्यासाठी मंचावर पोहोचला, तेव्हा होस्ट ख्रिसने अभिनेत्याची पत्नी जेडा पिंकेटची खिल्ली उडवली. या विनोदाने विल इतका संतापला की, त्याने भर समारंभात स्टेजवरचं ख्रिसला थप्पड मारली. काही वेळाने विलला त्याची चूक लक्षात आली आणि त्याने भावनिक माफी देखील मागितली. 

ऑस्करच्या मंचावर एक अभिनेता आणि होस्ट यांचा अशा प्रकारे हाणामारी करतानाचा व्हिडीओ सोशल मीडियावर मोठ्या प्रमाणात व्हायरल होत आहे. यावर सोशल मीडिया यूजर्स देखील आपापल्या प्रतिक्रिया देत आहेत.

विल स्मिथने मागितली माफी

ख्रिस रॉकला मारल्यानंतर विल स्मिथने माफी मागितली. माफी मागताना विल म्हणाला, 'मला अकादमीची माफी मागायची आहे. मला माझ्या सहकारी उमेदवारांचीही माफी मागायची आहे.’  तो म्हणाला की, हा खूप खास आणि सुंदर क्षण आहे. पण, मी पुरस्कार जिंकल्याच्या आनंदात रडत नाहीये. या क्षणी, मी एका आनंदाने वेड्या झालेल्या बापासारखे वाटतो आहे, जसे प्रत्येकजण रिचर्ड विल्यम्ससाठी म्हणतात. प्रेम तुम्हाला सर्व चुकीच्या गोष्टी करायला लावते.'

या नंतर आता विल स्मिथने ख्रिसची देखील जाहीर माफी मागितली आहे. अभिनेत्याने पोस्ट लिहित म्हटले की, ‘माझ्या कामावर विनोद करणे हा त्याच्या कामाचा एक भाग आहे. परंतु, जेडाच्या वैद्यकीय स्थितीबद्दल केलेला विनोद माझ्यासाठी सहन करण्या पलीकडचा होता आणि मी ती माझी भावनिक होती. ख्रिस, मी तुझी जाहीर माफी मागू इच्छितो. मी चुकीचा होतो. मला माझ्या कृत्याची लाज वाटते आहे. या प्रेमळ आणि दयाळू जगात हिंसेला स्थान नाही.’

हेही वाचा :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha