21 years of Lagaan : 'लगान'ची 21 वर्षपूर्ती; आमिर खानच्या घरी होणार जंगी पार्टी
15 जून 2001 रोजी लगान (lagaan) हा चित्रपट रिलीज झाला होता. या चित्रपटानं प्रेक्षकांची मनं जिंकली.
21 Years Of Lagaan : बॉलिवूडमधील प्रसिद्ध अभिनेता आमिर खानचा (Aamir Khan) लगान (lagaan) हा चित्रपट 15 जून 2001 रोजी रिलीज झाला होता. आता या चित्रपटाला रिलीज होऊन 21 वर्ष झाली आहेत. आजही हा चित्रपट लोक आवडीनं बघतात. 2001 मध्ये या चित्रपटानं 53 कोटींची कमाई केली होती. या चित्रपटामधील कलाकारांच्या अभिनयाला, गाण्यांना आणि चित्रपटाच्या कथानकाला प्रेक्षकांची विशेष पसंती मिळाली होती. आज चित्रपटाला रिलीज होऊन 21 वर्ष पूर्ण झाल्यानं आमिरच्या घरी जंगी पार्टी होणार आहे. या पार्टीला या चित्रपटाची टीम उपस्थित राहणार आहेत.
सेटवर झाली होती किरण आणि आमिरची मैत्री
आमिर आणि किरण राव यांच्या भेट ही लगान चित्रपटाच्या सेटवर झाली. एका मुलाखतीमध्ये आमिरनं सांगितलं होतं की, अशुतोष गोवारिकर यांना किरण ही असिस्ट करत होती. त्यावेळी किरण आणि आमिर यांची मैत्री झाली होती. आमिरसोबतच या चित्रपटामध्ये कुलभूषण खरबंदा, रघुवीर यादव, राजेश विवेक, प्रदीप रावत, दया शंकर पांडे या कलाकारांनी देखील या चित्रपटामध्ये प्रमुख भूमिका साकारली. या चित्रपटामधील आमिर आणि अभिनेत्री ग्रेसी सिंह यांच्या जोडीला प्रेक्षकांची पसंती मिळाली होती.
लगानवर झाला पुरस्कारांचा वर्षाव
लगान या चित्रपटानं अनेक पुरस्कार पटकावले आहेत. या चित्रपटाला आठ फिल्मफेअर अवॉर्ड्स तर आठ स्क्रीन अवॉर्ड्स मिळाले आहेत. तसेच या चित्रपटाला आठ राष्ट्रीय चित्रपट पुरस्कारानं गौरवण्यात आलं होतं. या चित्रपटाला दहा आयफा पुरस्कार, स्क्रीन अवॉर्ड्स मिळाले आहेत. असे एकूण 34 पुरस्कार या चित्रपटानं पटकावले.
आमिर खानचा आगमी चित्रपट
आमिरचा लवकरच लाल सिंह चड्ढा हा चित्रपट देखील प्रेक्षकांच्या भेटीस येणार आहे. आमिर आणि करिनासोबतच लाला सिंह चड्ढा या चित्रपटामध्ये मोना सिंह, नागा चैतन्य हे देखील या चित्रपटामध्ये प्रमुख भूमिका साकारणार आहेत. 11 ऑगस्ट रोजी हा चित्रपट रिलीज होणार आहे. या चित्रपटाची आमिरचे चाहते उत्सुकतेने वाट बघत आहेत.
हेही वाचा :
महत्त्वाच्या बातम्या
