Nagpur West Vidhan Sabha 2024: काँग्रेसच्या विकास ठाकरेंनी गड राखला, नागपूर पश्चिममध्ये मात्र भाजपचा सूर्यास्त!
Nagpur West Assembly Constituency : राज्याच्या राजकारणात महत्वाचा समजला जाणाऱ्या नागपूरातील 12 मतदारसंघासह नागपूर पश्चिम विधानसभा मतदारसंघात यंदा कोण बाजी मारणार, याकडे सर्वांचं लक्ष लागलं आहे.
Nagpur West VidhanSabha 2024 : संपूर्ण राज्यासह देशाला आतुरता लागून राहिलेल्या महाराष्ट्र विधानसभा निवडणूक 2024 (Maharashtra Assembly Election 2024)च्या रणधुमाळीचे अंतिम निकाल आता हाती आले आहे. लोकसभा निवडणुकीत आलेले अपयश बाजूला सारुन महायुतीने विधानसभा निवडणुकीत मोठा राजकीय चमत्कार करुन दाखवला आहे. राज्यात महाविकास आघाडी (Mahavikas Aghadi) बहुतांश ठिकाणी दारुण पराभवाला समोर जावे लागले आहे. तर महायुतीला (Mahayuti) यंदा अभूतपूर्व यश मिळाले आहे.
अशातच राज्याच्या राजकारणात महत्वाचा समजला जाणाऱ्या नागपूरातील 12 मतदारसंघासह नागपूर पश्चिम विधानसभा मतदारसंघात (Nagpur West Assembly Constituency) यंदा कोण बाजी मारणार, याकडे सर्वांचं लक्ष लागलं होते. कारण या मतदारसंघातून काँग्रेसने शहर अध्यक्ष आणि आमदार विकास ठाकरे (Vikas Thakre) यांना मैदानात उतरवले आहे. तर माजी आमदार सुधाकर कोहळे (Sudhakar Kohale) यांना परत एकदा संधी देत भाजपने विकास ठाकरे, बसपाचे प्रकाश गजभिये विरोधात उभे केलं आहे. मात्र या तिरंगी लढतीत काँग्रेसने गुलाल उधळत आपला गड अभेद्य ठेवला आहे.
भाजपच्या सुधाकर कोहळे यांचा दारुण पराभव
पश्चिम नागपूर विधानसभा मतदारसंघातील भाजपचे उमेदवार सुधाकर कोहळे हे मुळात शिक्षक असून समोरच्याच्या मनात शिरण्याचे त्यांच्यात कसब आहे. कोहळे यांचा जनसंपर्क दांडगा आहे. सुधाकर कोहळे यांनी 2014 ते 2019 पर्यंत, नागपूर दक्षिण विधानसभा मतदारसंघाचे प्रतिनिधित्व केलं होते. कोहळे हे नागपूर महानगरपालिकेत (NMC) निवडणुकीच्या वेळी नगरसेवक होते , त्यानंतर त्यांनी म्हाळगी नगर प्रभागाचे प्रतिनिधीत्व केले होते. कोहळे यांनी राष्ट्रवादी काँग्रेसचे विद्यमान आमदार दीनानाथ पडोळे आणि भारतीय राष्ट्रीय काँग्रेसचे माजी मंत्री सतीश चतुर्वेदी यांचा पराभव केला आहे . पडोळे यांच्यासह पंधरा विरोधकांचे डिपॉझिट गमवावे लागले. तसेच सुधाकर कोहळे हे महापालिकेच्या जल बांधकाम समितीचे अध्यक्ष देखील राहिले आहे. मात्र त्यांना या मतदारसंघातून पराभूत स्वीकारावा लागला आहे.
लोकसभेनंतर विधानसभेसाठी विकास ठाकरे मैदानात
विदर्भातील सर्वात प्रतिष्ठेची निवडणूक समजल्या जाणाऱ्या नागपूर मतदारसंघात (Lok Sabha Election Result 2024) भाजपचे नेते आणि विद्यामन केंद्रीय मंत्री नितीन गडकरी(Nitin Gadkari) आणि काँग्रेसचे शहराध्यक्ष आ. विकास ठाकरे (Vikas Thakre) यांच्यात थेट लढत झाली होती. मात्र यात गडकरी यांनी विजयाची हॅटट्रिक केली तर काँग्रेसच्या विकास ठाकरेंना दारूण पराभवाला समोर जावे लागले. या निवडनुकीनंतर काँग्रेसचे शहराध्यक्ष आ. विकास ठाकरे विधानसभेसाठी आपले नशीब आजमावत आहे. त्यामुळे या लढतीत मतदारराजा कोणाला कौल देतो हे पाहणे महत्वाचे ठरणार होते. मात्र हाती आलेला निकाल बघता र काँग्रेसच्या विकास ठाकरेंनी आपलं यश खेचून आणले आहे.
कोण आहेत विकास ठाकरे?
आ. विकास ठाकरे यांनी त्यांच्या राजकीय कारकीर्दीत एकूण 8 निवडणुका लढविल्या आहेत. महापालिकेची निवडणूक पाच वेळा लढले व तीन वेळा जिंकले, तर विधानसभेची निवडणूक तीन वेळा लढले व एकदा जिंकले. नागपूर लोकसभेच्या निमित्ताने ते नवव्या निवडणुकीला सामोरे जाणार आहेत. 1997 मध्ये ठाकरे यांनी भाजप नेते देवेंद्र फडणवीस यांच्या विरोधात अपक्ष म्हणून महापालिकेची निवडणूक लढविली होती. त्यावेळी ते पराभूत झाले. मात्र, काँग्रेसचा उमेदवार तिसऱ्या क्रमांकावर राहिला. यानंतर 2002 च्या महापालिका निवडणुकीत काँग्रेसने त्यांना उमेदवारी दिली अन् ते विजयी झाले व पहिल्याच टर्ममध्ये नागपूरचे महापौर बनले.
यानंतर 2007 मध्ये विजयी होत ते महापालिकेचे विरोधी पक्षनेते झाले.2012 मध्येही त्यांनी विजय नोंदविला. 2017 मध्ये मात्र त्यांना पराभवाला सामोरे जावे लागले. विधानसभेच्या निवडणुकीत 2009 मध्ये दक्षिण-पश्चिम मतदारसंघातून त्यांनी भाजप नेते देवेंद्र फडणवीस यांच्यासोबत लढत दिली व पराभूत झाले. पुढे 2014 मध्येही पश्चिम नागपुरात त्यांना पराभवाला सामोरे जावे लागले. 2019 मध्ये मात्र त्यांना पश्चिम नागपुरातून विधानसभा गाठण्यात यश आले.
हे ही वाचा
महत्त्वाच्या बातम्या
