Gangakhed Vidhan Sabha Elections Result : गंगाखेडमध्ये कोण मारणार बाजी, महायुती जिंकणार की मविआ ठरणार वरचढ?

परभणी जिल्ह्यातील गंगाखेड हा मतदारसंघ चर्चेच्या केंद्रस्थानी आहे. या मतदारसंघातून कोण बाजी मारी मारणार याकडे सर्वांचेच लक्ष लागले आहे.

परभणी : राज्यात सध्या विधानसभा निवडणुकीची धूम आहे. निवडणुकीत विजयी कामगिरी करण्यासाठी सर्वच पक्ष कंबर कसून कामाला लागले आहे. विशेष म्हणजे राज्यातील अनेक नेत्यांनी ही निवडणूक प्रतिष्ठेची केली आहे. यावेळच्या निवडणुकीत परभणीतील गंगाखेड हा मतदारसंघ चर्चेच्या केंद्रस्थानी असणार आहे. या जागेसाठी महायुती आणि महाविकास आघाडी या दोन्ही आघाड्यांकडून अनेक नेते उत्सूक आहेत. त्यामुळे या जागेवर नेमकं कोण बाजी मारणार, हे पाहणं महत्त्वाचं ठरणार आहे.

रत्नाकर गुट्टे यांनी मारली होती बाजी

गंगाखेड विधानसभा मतदारसंघात (Gangakhed Vidhan Sabha Constituency Result ) 2019 सालाच्या अगोदर डॉक्टर मधुसूदन केंद्रे हे राष्ट्रवादीचे आमदार होते. मात्र 2019 सालच्या निवडणुकीत इथे राष्ट्रीय समाज पक्षाचे उमेदवार रत्नाकर गुट्टे यांनी विजय मिळवला. त्यावेळी जवळपास पाच तगड्या उमेदवारांमध्ये निवडणूक रंगली होती. 2019 सालच्या निवडणुकीत रासपकडून रत्नाकर गुट्टे शिवसेनेकडून विशाल कदम तर वंचित बहुजन आघाडी कडून करुणा कुंडगीर हे उमेदवार होते. माजी आमदार सिताराम घनदाट यांनी अपक्ष म्हणून अर्ज दाखल केला होता.

कोणाला किती मते मिळाली होती?

2019 सालच्या निवडणुकीत रत्नाकर गुट्टे यांनी 81169 मतं घेऊन विजय मिळवला. 2019 सालच्या विधानसभा निवडणुकीत शिवसेनेचे उमेदवार विशाल कदम यांना 63,111 मतं मिळाली होती. तर अपक्ष उमेदवार माजी आमदार सिताराम घनदाट यांना 52247 मतं मिळाली होती. त्यानंतर वंचित बहुजन आघाडीच्या करुणा कुंडगीर यांना 28 हजार 837 मतं मिळाली होती. तर शिवसेनेसोबत बंडखोरी केलेले संतोष मुरकुटे यांना 22955 मतं मिळाली होती. ते या निवडणुकीत पाचव्या स्थानी होते. राष्ट्रवादीचे मधुसदन केंद्रे हे पाचव्या स्थानी होते. त्यांना फक्त 8204 मते मिळाली होती.

गंगाखेडमध्ये कोणते मुद्दे महत्त्वाचे?

दरम्यान, गंगाखेड या मतदारसंघातीही यावेळी चुरशीची लढत होण्याची शक्यता आहे. कारण गेल्या काही महिन्यात या मतदारसंघातील राजकीय गणित बदलले आहे. मराठा आरक्षण, ओबीसी आरक्षणाचा मुद्दा, पिकाला मिळणार हमीभाव, अतिवृष्टी यासारखे मुद्दे यावेळी गंगाखेडमध्ये केंद्रस्थानी असतील. त्यामुळे येथे कोण बाजी मारणार? हे पाहणे महत्त्वाचे ठरणार आहे.  

हेही वाचा :