Lok Sabha Elections 2024 Dates : कोल्हापूर, हातकणंगले, सातारा, बारामती, सोलापुरात 7 मे रोजी मतदान; 12 एप्रिलपासून रणधुमाळी
महाराष्ट्रातील 11 जागांसाठी कोल्हापूर, हातकणंगले, रत्नागिरी, सिंधुदुर्ग, सातारा, सांगली, माढा, सोलापूर, लातूर, धाराशिव, बारामती आणि रायगड या 11 लोकसभा मतदारसंघांमध्ये 7 मे रोजी मतदान होणार आहे.
Lok Sabha Elections 2024 Dates : बहुचर्चित आणि बहुप्रतीक्षित अशा 18व्या लोकसभेसाठी निवडणूक आयोगाने आज (16 मार्च) निवडणूक कार्यक्रमाची घोषणा केली. महाराष्ट्रामध्ये पाच टप्प्यांमध्ये 48 जागांसाठी मतदान होणार आहे. महाराष्ट्रातील 11 जागांसाठी कोल्हापूर, हातकणंगले, रत्नागिरी, सिंधुदुर्ग, सातारा, सांगली, माढा, सोलापूर, लातूर, धाराशिव, बारामती आणि रायगड या 11 लोकसभा मतदारसंघांमध्ये 7 मे रोजी मतदान होणार आहे.
कोल्हापूर, हातकणंगले, सातारा, बारामती, सोलापुरात 7 मे रोजी मतदान
या 11 लोकसभा जागांसाठी निवडणूक अधिसूचना 12 एप्रिल रोजी जाहीर होणार असून 19 एप्रिलपर्यंत नामांकन अर्ज दाखल करता येतील. 20 एप्रिल रोजी निवडणूक अर्जदारांची छाननी होणार असून 22 एप्रिल रोजी उमेदवारी माघारी घेण्याचा अंतिम दिवस आहे. 7 मे रोजी मतदान होईल, तर मतमोजणी 4 जून रोजी होणार आहे. सर्व निवडणूक प्रक्रिया सहा जून रोजी पार पडणार आहे.
Chief Election Commissioner Rajiv Kumar announced the dates of the Lok Sabha Elections 2024.
— ANI (@ANI) March 16, 2024
Elections to be held in 7 phases from 19th April to 1st June; Counting of votes on 4th June. pic.twitter.com/kUl6Mv74zP
अन्य मतदारसंघात कधी मतदान होणार?
दुसरीकडे महाराष्ट्रातील पहिल्या टप्प्यांमध्ये रामटेक, नागपूर, भंडारा, गोंदिया, गडचिरोली आणि चंद्रपूर या ठिकाणी पहिल्या टप्प्यांमध्ये मतदान होणार आहे. दुसऱ्या टप्प्यामध्ये बुलढाणा, अकोला, अमरावती, वर्धा, यवतमाळ, वाशिम, हिंगोली, नांदेड, परभणी या लोकसभा मतदारसंघांमध्ये मतदान होणार आहे. चौथ्या टप्प्यामध्ये नंदुरबार, जळगाव, रावेर, जालना, औरंगाबाद, मावळ, पुणे, शिरूर, अहमदनगर, शिर्डी, बीड या ठिकाणी मतदान होणार आहे. अखेरच्या टप्प्यामध्ये धुळे, दिंडोरी, नाशिक, पालघर, भिवंडी, कल्याण, ठाणे, उत्तर मुंबई, उत्तर पश्चिम मुंबई, उत्तर पूर्व मुंबई, उत्तर मध्य मुंबई, दक्षिण मध्य आणि दक्षिण मुंबई या ठिकाणी अखेरच्या टप्प्यांमध्ये मतदान होणार आहे.
Lok Sabha elections | First phase to be held on 19th April, second phase on 26th April, third phase on 7th May, fourth phase on 13th May, fifth phase on 20th May, sixth phase on 25th May and the seventh phase on 1st June: Chief Election Commissioner Rajiv Kumar pic.twitter.com/rT78EiNOA8
— ANI (@ANI) March 16, 2024
इतर महत्वाच्या बातम्या
महत्त्वाच्या बातम्या
