Ghatkopar West constituency: घाटकोपर पश्चिम मतदारसंघात राम कदमांना विजयाचा झटका, ठाकरेंच्या संजय भालेराव यांचा पराभव
Ghatkopar West Vidhan Sabha constituency: घाटकोपर पश्चिम मतदारसंघात राम कदम यांचा विजय झाला आहे.
मुंबई: राज्यातील विधानसभा निवडणुकीत मुंबईतील हायव्होल्टेज लढतींपैकी एक असणाऱ्या घाटकोपर पश्चिम मतदारसंघात (Ghatkopar West Vidhan Sabha constituency) काय घडणार, याकडे सर्वांच्या नजरा लागून होत्या. भाजपचे राम कदम हे या मतदारसंघातील विद्यमान आमदार आहेत. राम कदम 2009 साली पहिल्यांदा महाराष्ट्र नवनिर्माण सेनेच्या (MNS) तिकीटावर निवडून आले होते. 2014 साली राम कदम (Ram Kadam) यांनी भाजपमध्ये प्रवेश केला होता. 2014 आणि 2019 साली राम कदम भाजपच्या तिकीटावर निवडून आले होते. त्यानंतर आता 2024च्या निवडणुकांमध्येही ते पुन्हा विजयी झाले आहेत. आधीच्या दोन्हीवेळेला त्यांच्यासमोर मनसेच्या गणेश चुक्कल (Ganesh Chukkal) यांचे आव्हान होते. मात्र, राम कदम यांनी दोन्ही निवडणुकांमध्ये सहजपणे निवडून आले होते.
गेल्या 15 वर्षांमध्ये राम कदम यांनी घाटकोपर पश्चिम मतदारसंघात आपले बस्तान व्यवस्थित बसवले आहे. दहीहंडी उत्सव, रक्षाबंधन आणि काशी व अयोध्या यात्रा या माध्यमातून राम कदम हे सातत्याने मतदारांच्या संपर्कात असतात. राम कदम हे 15 वर्षे आमदार असल्यामुळे साहजिकच त्यांच्याविरोधात अँटी इन्क्बन्सीचा फॅक्टर आहे. यंदाच्या निवडणुकीत त्यांच्यासमोर मनसेचे गणेश चुक्कल आणि ठाकरे गटाच्या संजय भालेराव (Sanjay Bhalerao) यांचे आव्हान होते. राम कदम यांच्यासाठी यंदाची विधानसभा निवडणूक अवघड असल्याची होती. महाविकास आघाडीची एकत्रित ताकद पाठीशी असल्यामुळे नगरेसवर राहिलेले संजय भालेराव राजकीय चमत्कार करु शकतात, असे बोलले जात होते. तर मनसेचे गणेश चुक्कल यांनीही गेल्या काही दिवसांमध्ये घाटकोपर विधानसभा मतदारसंघ पिंजून काढला. राज ठाकरे यांचा करिष्मा चालल्यास घाटकोपर पश्चिममध्ये गणेश चुक्कलही कमाल दाखवू शकतात, असंही म्हटलं जात होतं. मात्र, तरीही राम कदम हे या दोन्ही नेत्यांच्या तुलनेत अनुभवी आणि कसलेले राजकारणी आहे. असं असतानाच त्यांनी पुन्हा एकदा विधानसभा निवडणुकांमध्ये बाजी मारल्याचं चित्र आहे.
ही बातमी वाचा :
महत्त्वाच्या बातम्या
