Chandgad Vidhan Sabha : चंदगडमध्ये पंचरंगी लढत असली, तरी विजय आपलाच होणार; तगड्या उमेदवाराने शड्डू ठोकला!

Chandgad Vidhan Sabha : जनसुराज्य शक्ती पक्षाची मोठी वोट बँक चंदगड विधानसभा मतदारसंघात आहे. त्यामुळे या मतदारसंघात उमेदवारी दिल्यामुळे या ठिकाणच्या लढतीकडे आता जिल्ह्याचे लक्ष लागलं आहे.

Chandgad Vidhan Sabha

Source : PTI

कोल्हापूर : कोल्हापूरच्या चंदगड विधानसभा मतदारसंघात यावेळी पंचरंगी लढत होणार आहे. विशेष म्हणजे महायुतीचा घटक पक्ष असलेल्या जनस्वराज्य शक्ती पक्षाने या मतदारसंघात राष्ट्रवादी काँग्रेस अजित पवार गटाच्या राजेश पाटील यांच्या विरोधात मानसिंग खोराटे यांना उमेदवारी दिली आहे.

पंचरंगी लढत असली तरी आपलाच विजय होणार

जनसुराज्य शक्ती पक्षाची मोठी वोट बँक चंदगड विधानसभा मतदारसंघात आहे. त्यामुळे जनसुराज्य पक्षाचे या मतदारसंघात उमेदवारी दिल्यामुळे या ठिकाणच्या लढतीकडे आता जिल्ह्याचे लक्ष लागलं आहे. दौलत सहकारी साखर कारखान्याच्या माध्यमातून चंदगड विधानसभा मतदारसंघात केलेले काम आणि जनसुराज्य शक्ती सारख्या पक्षाची साथ यामुळे पंचरंगी लढत असली तरी आपलाच विजय निश्चित असल्याचा विश्वास मानसिंग खोराटे यांनी व्यक्त केला. 

चंदगडमध्ये शिवाजी पाटलांच्या बंडखोरीने महायुतीत उभी फूट

चंदगडमध्ये महायुतीमध्ये उभी फूट पडली आहे. भाजप नेते शिवाजी पाटील यांनीही शक्तीप्रदर्शन करत अपक्ष उमेदवारी अर्ज दाखल केला आहे. त्यामुळे अजित पवार गटाकडून रिंगणात असलेल्या आमदार राजेश पाटील यांच्या अडचणी वाढल्या आहेत. राजेश पाटील यांच्या विरोधात महाविकास आघाडीकडून नंदाताई बाभुळकर यांना उमेदवारी देण्यात आली आहे. नंदाताई बाभुळकर यांच्या उमेदवारीने सुद्धा महाविकास आघाडीमध्ये यापूर्वीच वादाची ठिणगी पडली आहे. त्यामुळे आता या वादामध्ये आता कोण बाजी मारणार याचे उत्तर 23 नोव्हेंबर रोजीच मिळणार आहे. 

महायुतीत बंडखोरी होणार

दरम्यान, सध्या राजेश पाटील चंदगड विधानसभेचे राष्ट्रवादीचे आमदार आहेत. राजेश पाटील अजित पवारांच्या राष्ट्रवादीत आहेत. 2019 च्या निवडणुकीत शिवाजी पाटील यांनी 51 हजार 173 मतं, तर विनायक उर्फ विरगोंदा पाटील यांनी वंचित बहुजन आघाडी मार्फत 43 हजार 973 मते घेतली होती. चंदगड मतदारसंघात राजेश पाटील, डॉ.नंदा कुपेकर, मानसिंग खोराटे, विनायक तथा आप्पे पाटील, शिवाजी पाटील यांनी उमेदवारी अर्ज दाखल केले आहेत. चंदगडची जागा महायुतीच्या अजित पवार राष्ट्रवादीकडे गेल्याने भाजप नेते शिवाजी पाटील यांनी अपक्ष अर्ज दाखल केला आहे. कोणत्याही परिस्थितीत माघार घेतली जाणार नाही, असा निर्धार त्यांनी केला आहे. माजी मंत्री भरमू सुब्रराव पाटील यांनी शिवाजी पाटील यांची पाठराखण केली आहे. संग्रामसिंह कुपेकर यांनी देखील अर्ज दाखल केला आहे. त्यामुळे महायुतीत बंडखोरी होणार हे निश्चित आहे. 

इतर महत्वाच्या बातम्या