ना भाजप, ना काँग्रेस, या पक्षाला विधानसभा निवडणुकीत मिळाला पहिला विजय; गेल्या विधानसभा निवडणुकीत ठरला होता सर्वात तरुण आमदार
Election Results 2023 : राजकुमार रोट यांना एकूण 82081 मते मिळाली असून, मारे 70 हजार मतांनी त्यांचा विजय झाला आहे.
Election Results 2023 : चार राज्यांच्या विधानसभा निवडणुकीचे पहिले निकाल हाती आले आहेत. राजस्थानच्या चौरासी मतदारसंघातील पहिला विजयी उमेदवार जाहीर करण्यात आला आहे. या मतदारसंघातून राजकुमार रोट यांचा विजयी झाले आहेत. ते भारत आदिवासी पक्षाकडून निवडणुकीत उतरले होते. त्यांनी भारतीय जनता पक्षाचे (BJP) सुशील कटारा आणि काँग्रेसचे उमेदवार ताराचंद भगोरा यांचा पराभव केला आहे. राजकुमार रोट सुमारे 70 हजार मतांनी विजयी झाले आहे.
राजस्थान विधानसभेच्या 199 जागांसाठी सुरू असलेल्या मतमोजणीचे निकाल समोर येत आहे. दरम्यान, राजस्थानच्या डुंगरपूर जिल्ह्यातील चौरासी विधानसभा मतदारसंघातून राजकुमार रोट यांनी मोठा विजय मिळवता आला आहे. यासह ते सलग दुसऱ्यांदा या जागेवरून आमदार झाले आहेत. भारतीय आदिवासी पक्षाचे राजकुमार रोट यांनी भाजपचे सुशील कटारा यांचा 47063 मतांनी पराभव करत विजय मिळवला आहे. राजकुमार रोट यांना एकूण 82081 मते मिळाली. तर कटारा यांना 35018 मतांवर समाधान मानावे लागले आहे. रोट यांच्या विजयानंतर परिसरातील नागरिक व कामगारांमध्ये जल्लोषाचे वातावरण आहे.
निवडणुकीपूर्वी नवा पक्ष स्थापन केला
राजकुमार रोट यांनी 2018 मध्ये निवडणूक भारतीय ट्रायबल पार्टी (BTP) च्या चिन्हावर लढवली होती. डुंगरपूर जिल्ह्यातील चौरासी विधानसभा मतदारसंघातून निवडणूक जिंकून ते पहिल्यांदाच आमदार झाले होते. पण, यावेळी राजकुमार रोट यांनी राजस्थान विधानसभा निवडणुकीपूर्वी नवा पक्ष स्थापन केला होता. विशेष म्हणजे रोट यांनी आपला नवीन पक्ष भारत आदिवासी पार्टी (बीएपी) या चिन्हावर निवडणूक लढवून विजय मिळवला आहे.
गेल्या विधानसभा निवडणुकीत सर्वात तरुण आमदार ठरले होते
गरीब कुटुंबात जन्मलेल्या राजकुमार रोट यांच्या खांद्यावर लहानपणापासूनच कुटुंबाची जबाबदारी आली. पण, त्यांनी डुंगरपूर कॉलेजमधून बीए केले. बी.एड. कडून शिक्षण घेतले. रोट हे डुंगरपूर कॉलेजचे विद्यार्थी संघटनेचे अध्यक्षही राहिले आहेत. भिल्ल विद्यार्थी मोर्चा असे त्यांच्या संघटनेचे नाव आहे. राजकुमार रोट यांचे स्वप्न शिक्षक होण्याचे होते. पण नशिबात काहीतरी वेगळंच होतं. 2018 ला झालेल्या विधानसभा निवडणुकीत ते सर्वात तरुण आमदार म्हणून निवडून आले. राजकुमार रोट यांनी चौरासी विधानसभा मतदारसंघातून बिट्टीपी पक्षाकडून निवडणूक लढवली होती.
कोण आहेत राजकुमार रोट?
राजकुमार रोट यांचा जन्म 26 मे 1992 रोजी डुंगरपूर जिल्ह्यातील खाखर खुनया गावात झाला. ते आदिवासी आणि गरीब कुटुंबातून येतात. त्यांच्या वडिलांचे नाव शंकर लाल आणि आईचे नाव पार्वती आहे. लहानपणीच त्यांच्या वडिलांचे निधन झाले. लहानपणीच राजकुमारने आपल्या शेजारच्या लोकांमध्ये जागृती आणायला सुरुवात केली.
इतर महत्वाच्या बातम्या:
महत्त्वाच्या बातम्या
