Election Results 2021 : समर्थकांचा जल्लोष, मिरवणुका तात़डीनं थांबवा; निकाल असणाऱ्या राज्यांना निवडणूक आयोगाचा इशारा

परिस्थिती हाताळण्यात अपयशी ठरल्याबद्दल त्यांच्यावर कायदेशीर कारवाईही केली जाऊ शकते.

छाया सौजन्य - ट्विटर / एएनआय

नवी दिल्ली : पश्चिम बंगाल, पुदुच्चेरी, तामिळनाडू, केरळ आणि आसाम येथे पार पडलेल्या विधानसभा निवडणुकांचे निकाल जाहीर होण्याच्या दिवसापूर्वीच निवडणूक आयोगानं सदर राज्यांना काही गोष्टींबाबतचा इशारा दिला होता. सर्वाधिक महत्त्वाचा इशारा होता कोविड नियमांचं पालन करण्याबाबतचा. पण, निकालाच्या दिवशी मात्र हे चित्र बदलल्याचं दिसत असून, नियमांची पायमल्ली होत असल्याची बाब दिसत आहे. 

पश्चिम बंगाल आणि तामिळनाडूमध्ये तुलनेने मोठ्या प्रमाणात कोरोना नियमांचं उल्लंघन होत असून अखेर यामध्ये निवडणूक आयोगाला तातडीने हस्तक्षेप करावा लागला आहे. सदर राज्य आणि केंद्रशासित प्रदेशांच्या मुख्य सचिवांना उद्देशून निवडणूक आयोगाने एक पत्र लिहून विजयी उमेदवारांसाठी सुरु असणारा जल्लोष तातडीने थांबवण्याचे आदेश दिले. यासोबतच सदर  घटनेसाठी जबाबदार असणाऱ्या एसएचओ आणि इतर अधिकाऱ्यांना निलंबित करण्याचा इशाराही निवडणूक आयोगाकडून देण्यात आला आहे. परिस्थिती हाताळण्यात अपयशी ठरल्याबद्दल त्यांच्यावर कायदेशीर कारवाईही केली जाऊ शकते. 

निवडणुकांच्या निकालाच्या दिवशी कल हाती येण्यास सुरुवात होताच तामिळनाडूमध्ये पक्षाला आघाडी मिळत असल्याची माहिती मिळतात द्रमुकच्या कार्यालयाबाहेर समर्थकांनी गर्दी केली. इथे त्यांनी एकमेकांना मिठाई भरवण्यास सुरुवात केली. तर, तिथे आसनसोलमध्ये ही फटाके फोडत तृणमूलच्या समर्थकांनी एकच धुडगूस घातला होता. 

 

#WATCH Trinamool Congress supporters in large numbers gathered outside the BJP office in Kolkata's Hastings area, as TMC leads in 200 plus seats #WestBengalElections pic.twitter.com/KywRZVoq2v

— ANI (@ANI) May 2, 2021

#WATCH | DMK supporters continue to celebrate outside party headquarters in Chennai as official trends show the party leading on 118 seats so far.

Election Commission of India has banned any victory procession amid the #COVID19 situation in the country.#TamilNaduElections2021 pic.twitter.com/z6Fp5YRnKP

— ANI (@ANI) May 2, 2021

#WATCH | A police personnel instructs TMC supporters to stop celebrations in Asansol

EC asks States/UTs to "prohibit victory celebrations urgently", also directs that responsible SHOs/officers must be suspended immediately and criminal& disciplinary actions must be initiated pic.twitter.com/QUuVO3CrzV

— ANI (@ANI) May 2, 2021

Election Commission of India writes to Chief Secretaries of all States/UTs to "prohibit victory celebrations urgently". ECI also directs that responsible SHOs and other officers must be suspended immediately and criminal and disciplinary actions must be initiated against them pic.twitter.com/4aEydSH42P

— ANI (@ANI) May 2, 2021

#WATCH TMC supporters celebrate at Kalighat, Kolkata as party leads on 202 seats as per official trends#WestBengalElections2021 pic.twitter.com/iiOyPhf8be

— ANI (@ANI) May 2, 2021

#WATCH | Celebrations by TMC supporters begin in Asansol as official trends show the party leading on 202 seats so far. The Election Commission has banned any victory procession amid the #COVID19 situation in the country.#WestBengalElections2021 pic.twitter.com/2sEtXI7mF6

— ANI (@ANI) May 2, 2021

पश्चिम बंगालमध्ये तृणमूल समर्थकांनी पक्ष आघाडीवर असल्याचं लक्षात येताच सर्व कोरोना प्रतिबंधात्मक नियमांचं उल्लंघन करत मोठ्या संख्येनं विविध ठिकाणी जमत तालवाद्यांच्या तालावर ठेका धरल्याचं पाहायला मिळालं. देशातील विविध भागांमध्ये दिसून आलेल्या या चित्रामध्ये मास्कचा वापर करण्याचं अनेकांनीच टाळलं होतं. तर, सोशल डिस्टन्सिंग दूरदूरपर्यंत दिसत नव्हतं. देशावर कोरोनाचं संकट दिवसागणिक गडद होत असतानाच निर्देश देऊनही नागरिकांचा बेजबाबदारपणा आणि त्यांना हाताळण्यात अपयशी ठरलेलं प्रशासन या साऱ्यामुळे हे संकट आणखी बळावण्याची शक्यता नाकारण्यात येत नाही.