NEET UG ची फी कुणाला परत मिळणार, पैसे विद्यार्थ्यांच्या की नेट कॅफे चालकांच्या खात्यात ? विद्यार्थ्यांमध्ये संभ्रम
NEET UG : नीट यूजी परीक्षेचा पेपर फुटल्यानं तो रद्द करावा लागण्याची नामुष्की नॅशनल टेस्टिंग एजन्सीवर आली आहे. आता नीट यूजी परीक्षा पुन्हा घेतली जाणार आहे.
अजय धनजे, मुंबई : NEET यूजी चा पेपर लीक झाल्यामुळे NTA ने NEET UG ची तयारी करणाऱ्या देशभरातील 26 लाख विद्यार्थ्यांना धक्का बसला आहे. NTA ने RE NEET UG चा पेपर घेण्याचा निर्णय घेतला आहे आणि परत परीक्षेचा अर्ज भरायची गरज नाही असं ट्विट मध्ये सांगितलं आहे. मात्र विद्यार्थ्यांनी NEET ची भरलेली 1700 रु फीस कुणाला परत होणार? नेट कॅफे चालकांना की विद्यार्थ्यांना, असा नवा प्रश्न निर्माण झालाय.
देशातील अनेक ग्रामीण भागातील विद्यार्थी हे डॉक्टर होण्याचं स्वप्न उराशी बाळगून NEET ची तयारी करतात. या विद्यार्थ्यांना धक्का तेंव्हा बसला जेव्हा NTA जी NEET UG ची परीक्षा घेत असते त्यांनी पेपर लीक झाल्याचं मान्य केलं. आणि आम्ही RE NEET घेणार असून विद्यार्थ्यांना त्यांची फीस परत करू आणि NTA च्या रिसोर्सने पुढची परीक्षा घेऊ आणि ह्यासाठी परत अर्ज भरण्याची गरज नसणार आहे असं सांगितलं.
ग्रामीण भागातील विद्यार्थ्यांचे 1700 रु कुणाला जाणार?
NEET UG च्या परीक्षेसाठी 1700₹ परीक्षा शुल्क आकारण्यात आले, SC आणि SC कॅटेगरीतील विद्यार्थ्यांसाठी हे शुल्क 900रु इतके आकारण्यात आले. आता परीक्षा रद्द झाल्यानंतर NTA ने ही फीस विद्यार्थ्यांना परत करण्याची घोषणा केली आहे. मात्र अनेक ग्रामीण भागातील आणि बहुतांश शहरी भागातील विद्यार्थ्यांनी अर्ज भरताना नेट कॅफे, सेतू केंद्र ह्यांच्या द्वारे अर्ज भरला आहे. NEET ची फीस ही ह्याच सायबर कॅफे आणि सेतू केंद्र चालकांच्या बँक खात्यावरून भरण्यात आली आहे, विद्यार्थ्यांनी 1700रु थेट नेट कॅफे चालकांना कॅश मध्ये दिले. आता NTA जर फीस परत करणार आहे मग 1700 रु 26 लाख विद्यार्थ्यांचे कुणाला परत होणार विद्यार्थ्यांना की नेट कॅफे चालकांना हा प्रश्न पालक, विद्यार्थी आणि शिक्षक यांच्या समोर उभा राहिला आहे.
NTA हेल्पलाइन नंबरवर ABP माझा चा कॉल
परीक्षा शुल्क कुणाला परत होणार ह्या प्रश्नाबद्दल आमचे प्रतिनिधी अजय धनजे यांनी NTA च्या हेल्पलाइनवर कॉल केला तेव्हा त्यांना फीस विद्यार्थ्यांना परत केली जाणार आहे असं सांगण्यात आलं मात्र जेव्हा त्यांना फीस कोणाला परत करणार? विद्यार्थ्यांना की नेट कॅफे चालकांना? असा प्रश्न विचारला तेव्हा मात्र NTA चे प्रतिनिधी उत्तर देऊ शकले नाही कारण विद्यार्थांनी नेट कॅफे चालकांच्या बँक अकाउंटवरून फीस भरली आहे. लवकरच याबद्दल स्पष्टीकरण NTA द्वारे दिल्या जाईल असं NTA च्या प्रतिनिधींनी सांगितलं.
खासगी ट्युशन चालक सुद्धा चिंतेत?
आम्ही छत्रपती संभाजी नगरच्या काळे बायलॉजी क्लासेसच्या केशव काळे सरांसोबत संपर्क साधला असता त्यांनी सुद्धा या फीस परताव्याच्या अस्पष्टीकरणामुळे चिंता व्यक्त केली. त्यांच्याकडे अनेक विद्यार्थी येत आहेत आणि सांगत आहेत की आम्ही NEET UG ची फीस ही नेट कॅफे चालकांच्या बँक अकाउंटवरून भरली आहे मग आम्हाला 1700 रुपये कसे परत होणार? काळे सरांच्या म्हणण्यानुसार देशभरातील जवळपास 70 टक्क्यांपेक्षा जास्त विद्यार्थ्यांनी NEET UG फीस ही सायबर कॅफे किंवा सेतू केंद्रावरून भरली आहे मग NTA ही फीस विद्यार्थ्यांपर्यंत कशी पोहोचवणार याबद्दल अजूनही पालकांमध्ये, शिक्षकांमध्ये आणि विद्यार्थ्यांमध्ये संभ्रम आहे.
In continuation of its press release dated 10 May 2026, the National Testing Agency wishes to inform candidates, parents, and members of the public of the following decisions taken in respect of NEET (UG) 2026. NTA had, on 8 May 2026, referred the matters then under consideration…
— National Testing Agency (@NTA_Exams) May 12, 2026
विद्यार्थी सेना शिक्षण विभागाला निवेदन देणारा
छत्रपती संभाजीनगर मध्ये शिवसेनेच्या विद्यार्थी सेनेचं काम पाहणाऱ्या निखिल काकडे यांनी प्रशासनाकडे काही मागण्या केल्या आहेत. त्या पुढील प्रमाणे...
1) सायबर कॅफेंवर कडक बंधन: सायबर कॅफे चालकांनी त्यांच्या खात्यात जमा झालेली NTA ची रक्कम संबंधित विद्यार्थ्यांना रोख स्वरूपात परत करणे कायद्याने बंधनकारक करावे.
2) प्रशासकीय देखरेख पथके: मोठ्या प्रमाणावर फॉर्म भरणाऱ्या व्यावसायिक डिजिटल केंद्रांच्या बँक व्यवहारांची तपासणी करण्यासाठी प्रत्येक तालुक्यात महसूल अधिकाऱ्यांची नियुक्ती करावी.
Education Loan Information:
Calculate Education Loan EMI
महत्त्वाच्या बातम्या
