HSC Exam : NDA ची मुलाखत की 12 वीचा पेपर? परीक्षार्थींसमोर पेच प्रसंग, पालक विद्यार्थी चिंतेत

आयुष्याच्या महत्वाच्या टप्प्यावर परीक्षार्थींसमोर पेच प्रसंग निर्माण झाला आहे. 

exams

HSC Exam : जर तुम्हाला भारतीय सेना (Army), वायुसेना (Air Force) किंवा नौसेनेत (Navy) भरती होण्याची इच्छा असेल तर तुम्हाला NDA म्हणजे नॅशनल डिफेंस अकॅडमी (National Defence Academy) ची परीक्षा देणंही तितकंच महत्त्वाचं आहे. हे पेपर पास करणाऱ्या उमेदवारांची नंतर मुलाखत घेतली जाते. पण अशातच 12वीची परीक्षाही त्याच वेळी ठेवण्यात आल्याने आयुष्याच्या महत्वाच्या टप्प्यावर परीक्षार्थींसमोर पेच प्रसंग निर्माण झालाय. त्यामुळे एनडीए ची मुलाखत की 12 वी चा पेपर ? असा प्रश्न परीक्षार्थींसमोर उभा राहिला आहे. 

परीक्षार्थींसमोर पेच प्रसंग
एनडीए ची मुलाखत की 12 वी चा पेपर ? आयुष्याच्या महत्वाच्या टप्प्यावर परीक्षार्थींसमोर पेच प्रसंग निर्माण झालाय.  इयत्ता 12 वीचा  5 आणि 7 मार्चचा पेपर एक महिना पुढे ढकलल्याने विद्यार्थी-पालक चिंतेत आहेत. कारण 4 ते 9 एप्रिल दरम्यान एनडीए ची होणार मुलाखत देखील ठेवण्यात आलीय. त्यामुळे ज्या विद्यार्थ्यांना NDA मध्ये प्रवेश घ्यायचा असेल. अशा परीक्षार्थींना मात्र आता कुठल्या तरी एका परीक्षेला मुकावे लागणार असल्याचं समोर येतंय. 

पालक विद्यार्थी चिंतेत

12 वीचा पेपर एक महिना पुढे ढकलण्यात आल्याने आता 5 आणि 7 एप्रिल रोजी हे पेपर होणार आहेत. दरम्य़ान 12 वीच्या परीक्षेची तारीख बदलण्याची पालक, विद्यार्थ्यांनी मागणी केलीय.तर शालेय शिक्षण विभागाने देशसेवेसाठी आतुर असणाऱ्या विद्यार्थ्यांचा सहानुभूतीने विचार करण्याची मागणी केलीय.दोन्ही परीक्षा एकाच वेळी आल्यानं पालक विद्यार्थी चिंतेत दिसत आहेत. 

पुणे बोर्डाचे यावर म्हणणे  

या संदर्भात आम्ही माहिती घेत आहोत. पुढे गेलेले पेपर मध्ये जर अशा प्रकारे विद्यार्थ्यांना अडचण येत असेल तर नक्कीच बैठक घेऊन याबाबत निर्णय घेतला जाईल. असे बोर्डाच्या वतीने सांगण्यात आले आहे. 

आता महिलाही स्पर्धेत

भारतात दरवर्षी लाखो विद्यार्थी NDA ची भरती परीक्षा देतात आणि यापैकी काही लोकं देशसेवा करण्यासाठी पुढेही असतात. यापूर्वी फक्त पुरुष उमेदवार NDA ची भरती परीक्षा देण्यासाठी पात्र (Eligibility for NDA exam) होते मात्र आता महिलाही ही NDA मध्ये प्रवेश घेत आहेत (Women admission NDA).

महत्त्वाच्या बातम्या:

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha