Handwriting Scam : हस्ताक्षर बदल प्रकरण! विषयाचा अनुभव नसतानाही पेपर तपासणीसाठी, उत्तरपत्रिकेत 10 ते 30 गुण वाढवून दिले
HSC Exam Handwriting Scam: दोन्ही संशयित आरोपींकडून एकूण 372 विद्यार्थ्यांना हस्ताक्षर बदलातून 10 ते 30 गुण वाढवून देण्यात आल्याचे देखील माहिती सूत्रांनी दिली आहे.
HSC Exam Handwriting Scam: बारावीचा (HSC) भौतिकशास्त्र विषयाच्या उत्तरपत्रिकाच्या हस्ताक्षर बदल प्रकरणात आणखी एक धक्कादायक माहिती समोर आली आहे. भौतिकशास्त्र विषय शिकवण्याचा कोणताही अनुभव नसताना तो आपण शिकवत असल्याची खोटी माहिती यातील आरोपींकडून विभागीय शिक्षण मंडळाला देण्यात आली होती अशी माहिती आता समोर येत आहे. तर यातील महिला आरोपीला देखील फक्त एक वर्षांचा अनुभव होता, मात्र तिने आपल्याला दीर्घ अनुभव असल्याची खोटी माहिती शिक्षण मंडळाला दिली होती. तर या दोन्ही संशयित आरोपींकडून एकूण 372 विद्यार्थ्यांना हस्ताक्षर बदलातून 10 ते 30 गुण वाढवून देण्यात आल्याचे देखील माहिती सूत्रांनी दिली आहे. मात्र हे दोन्ही आरोपी सद्या फरार असल्याने या सर्व आरोपांवर स्पष्टता होऊ शकत नाही.
याबाबत अधिक माहिती अशी की, संशयित आरोपी शिक्षक राहुल भगवानसिंग उसारे या शिक्षकाने विभागीय शिक्षण मंडळाला आपण भौतिकशास्त्र विषय शिकवत असल्याची खोटी माहिती दिली होती. तर यातील दुसऱ्या महिला आरोपी असलेल्या मनीषा भगवान शिंदे या शिक्षिकेलाही फक्त एक वर्षांचा भौतिकशास्त्र विषय शिकवण्याचा अनुभव होता. मात्र त्यांनी देखील आपल्याला दीर्घ अनुभव असल्याची खोटी माहिती शिक्षण मंडळाला दिली होती. धक्कादायक म्हणजे दोन्ही संशयित आरोपींनी दिलेल्या माहितीची कोणतेही खात्री न शिक्षण मंडळाने त्यांना पेपर तपासणीसाठी दिले होते.
विद्यार्थ्यांना 10 ते 30 गुण वाढवून देण्यात आले?
हस्ताक्षर बदल प्रकरणात ग्रामीण पोलिसांच्या सोयगाव पोलिसात गुन्हा दाखल करण्यात आला आहे. त्यामुळे आता या सर्व प्रकरणाचा तपास पोलिसांकडून करण्यात येत आहे. दरम्यान पोलिसांनी हस्ताक्षर बदल असलेले 372 उत्तरपत्रिका तपासासाठी मागवून घेतल्या आहेत. तर बदलेल्या हस्ताक्षरातून एकूण 372 विद्यार्थ्यांना 10 ते 30 गुण वाढवून देण्यात आल्याचे समोर आले आहे. त्यामुळे निकाल जाहीर करताना 372 विद्यार्थ्यांचे हस्ताक्षर बदलनंतर वाढलेले गुण रद्द करून निकाल जाहीर करण्यात आला आहे.
उत्तरपत्रिका तपासणीसाठी मिळवण्यासाठी पत्रव्यवहार
पोलिसांकडून सुरु असलेल्या तपासात या प्रकरणात रोज वेगवेगळी माहिती समोर येत आहे. त्यातच यात आणखी एक नवीन माहिती समोर आली आहे. ज्यात या दोन्ही संशयित आरोपींनी स्वतः या विषयाच्या उत्तरपत्रिका तपासणीसाठी आपल्याला मिळाव्यात म्हणून मंडळाकडे पत्रव्यवहार केला होता. तर मंडळानेही कोणतीही चौकशी न करता त्यांना उत्तरपत्रिका तपासणीसाठी उपलब्ध करून दिल्याचं देखील समोर येत आहे.
इतर महत्वाच्या बातम्या:
Education Loan Information:
Calculate Education Loan EMI
Before You Go
Sudhir Mugntiwar Satara Speech : छत्रपती शिवाजी महाराज की जय! म्हणत सुधीर मुनगंटीवराचं जोरदार भाषण
महत्त्वाच्या बातम्या
