भांडण एकाशी, हत्या दुसऱ्याची! टी शर्ट साम्यामुळे तरुणाला गमवावा लागला जीव
मयत शुभम भुवड मिरा रोडच्या सिल्वर पार्क परिसरात राहतो. त्याला मिरा रोड परिसरात आठ ते दहा जणांकडून मारहाण करण्यात आली.
मुंबई : मीरा रोड परिसरात एका तरुणाला केवळ त्याचा टी-शर्ट एका व्यक्तीसारखा, सारख्या रंगाचा असल्या कारणाने आपला जीव गमवावा लागला आहे. ही घटना रविवारी राञीची आहे. याप्रकरणी काशीमिरा पोलिसांनी आठ आरोपींना अटक केली असून एक आरोपी अद्याप फरार आहे. यात तीन आरोपींवर या आधीही गुन्हे दाखल आहेत.
मयत शुभम भुवड मिरा रोडच्या सिल्वर पार्क परिसरात राहतो. त्याला नऊ जणांनी लाथा बुक्क्यांनी मारून त्याचा जीव घेतला. कारण काहीच नाही. रविवारी राञी तो आपल्या मिञांबरोर मिञाच्या कामासाठीच बाहेर पडला आणि मीरा रोडच्या हाटकेश परिसरात एका ठिकाणी मिञाच्या स्कुटीजवळ उभा होता. तेवढ्यात चार चाकी गाडीत नऊ जण आले. हा पण होता एवढं बोलून, जोर जोरात लाथा बुक्यांनी त्याला मारहाण करु लागेल. त्याच काय चुकलं हे कळण्याअगोदर त्याचा जीव गेला. आजूबाजूचे त्याला वाचवायला सुध्दा आले नाही.
त्या दिवशी आरोपी जतीन उपाध्याय हा मीरा रोड येथे आपल्या गाडीने जात असताना, मिरा रोडच्या हाटकेश येथे एका बाईकस्वाराबरोबर बाईक घासल्याने त्याच भांडण झालं. त्यानंतर आरोपी जतीन हा आपल्या घरी जावून, आपल्या कुटुंबातील व्यक्ती आणि मिञांना ज्याच्याबरोबर भांडण झालं त्याला मारण्यासाठी शोध घेऊ लागला. तेवढ्यात आपल्या मिञांबरोबर फिरण्यासाठी बाहेर पडलेला शुभम हा लाल टिशर्ट घातलेला दिसला आणि हाच तो असा समज घेवून, आरोपींनी त्याला लाथा बुक्यांनी मारहाण केली. त्यात शुभमचा जागीच मृत्यू झाला. पोलिसांनी शुभमच्या मिञांना विचारल्यावर आमचं भांडण त्या दिवशी कुणाबरोबर झालं नाही असं सांगितलं. तर ज्याच्याबरोबर भांडण झालं. त्यानं कबुल केलं की माझ्या बरोबर भांडण झालेलं.
या प्रकरणी काशिमीरा पोलिसांनी 9 जणांवर गुन्हा दाखल केला आहे. त्यातील 8 आरोपींना अटक ही केली आहे. तसेच एका आरोपीचा शोध ही सुरु आहे. माञ एका किरकोळ कारणावरुन एखाद्याचा निष्पाप तरुणाचा जीव गेला.
महत्त्वाच्या बातम्या
