पुण्यातील धक्कादायक घटना, झोमॅटो बॉयकडून तरुणीचा विनयभंग, जबरदस्तीनं घेतलं चुंबन
Crime News : पुण्यातून एक धक्कादायक घटना समोर आली आहे. जेवणाची डिलिव्हरी करण्यास आलेल्या झोमॅटो कंपनीच्या (zomato aap) डिलिव्हरी बॉयनं तरुणाचा विनयभंग केल्याचा धक्कादायक प्रकार समोर आला
Pune Latest Crime News : पुण्यातून एक धक्कादायक घटना समोर आली आहे. जेवणाची डिलिव्हरी करण्यास आलेल्या झोमॅटो कंपनीच्या (zomato aap) डिलिव्हरी बॉयनं तरुणाचा विनयभंग केल्याचा धक्कादायक प्रकार समोर आला आहे. तरुणी घरात एकटीचं असल्याचा फायदा घेत, डिलिव्हरी बॉयनं (Delivery Boy) तिचं जबरदस्तीनं चुंबन घेतलं आहे. तरुणीनं तात्काळ पोलीस स्टेशनमध्ये धाव घेत तक्रार दाखल केली. पोलिसांनी तात्काळ गुन्हा दाखल करत कारवाई केली. पोलिसांनी डिलिव्हरी बॉयला (Delivery Boy) अटक केली आहे. दरम्यान, मिळालेल्या माहितीनुसार, तरुणी एका नामांकित कंपनीमध्ये कामाला आहे. कामावरुन घरी परतल्यानंतर तिने झोमॅटोवर जेवण ऑर्डर केले होते. जेवणाची डिलिव्हरी करण्यासाठी आलेल्या डिलिव्हरी बॉयनं (Delivery Boy) जबरदस्तीनं त्या तरुणीचं चुंबन घेतलं.
झोमॅटो ॲप वरून मागविलेले जेवणाचे पार्सल घेऊन आलेल्या एका व्यक्तीने 19 वर्षीय तरुणीचे जबरदस्तीने चुंबन घेतल्याचा प्रकार पुण्यात उघडकीस आला आहे. येवलेवाडी परिसरातील एका नामांकित सोसायटीत शनिवारी रात्री हा प्रकार घडला. कोंढवा पोलीस ठाण्यात याप्रकरणी गुन्हा दाखल करण्यात आला असून आरोपीला अटक करण्यात आली आहे.
रईस शेख (वय 40) असे अटक करण्यात आलेल्या झोमॅटो डिलिव्हरी बॉय (Delivery Boy) याचे नाव आहे. 19 वर्षीय तरुणीने याप्रकरणी फिर्याद दिली आहे. फिर्यादी तरुणी येवलेवाडी परिसरातील एका नामांकित सोसायटीत राहते. शनिवारी रात्री तिने झोमॅटो ॲप करून जेवण मागवले होते. जेवणाचं पार्सल घेऊन आरोपी रईस शेख रात्री साडे नऊच्या सुमारास तिच्या सोसायटीत आला होता. जेवणाचे पार्सल दिल्यानंतर त्याने फिर्यादीला पिण्याचे पाणी मागितले. पाणी पिल्यानंतर थँक्यू म्हणण्याचा बहाना करून त्याने फिर्यादी यांचा हात हातात घेतला. फिर्यादी यांनी हात सोडवण्याचा प्रयत्न केला होता. पण आरोपीने हात घट्ट पकडून फिर्यादीला जवळ ओढले आणि त्यांच्या गालाचे दोन वेळा चुंबन घेतले.
या सर्व प्रकारानंतर फिर्यादी तरुणीने पोलीस स्टेशन गाठून तक्रार दिली. पोलिसांनी याप्रकरणी गुन्हा दाखल करत तात्काळ कारवाई केली. पोलिसांनी (police) त्या आरोपीला अटक तात्काळ केली आहे. पोलीस पुढील तपास करत आहेत.
आणखी वाचा :
महत्त्वाच्या बातम्या
