नाशिक : गेल्या काही दिवसांपासून नाशिक शहरात (Nashik Crime News) गुन्हेगारीच्या घटनांमध्ये वाढ होताना दिसत आहे. आता पुन्हा एकदा नाशिक खुनाच्या घटनेने हादरले आहे. पंचवटी कारंजा (Panchavati Karanja) परिसरात तरुणाची डोक्यात दगड घालून हत्या करण्यात आली आहे. गणेशोत्सवाच्या (Ganeshotsav 2024) काळातच खुनाची घटना घडल्याने शहरात खळबळ उडाली आहे.
याबाबत अधिक माहिती अशी की, अतुल सूर्यवंशी या तरुणाची पंचवटी कारंजा परिसरात काल रात्रीच्या सुमारास डोक्यात दगड घालून हत्या करण्यात आली. पूर्व वैमनस्यातून खून झाल्याची प्राथमिक माहिती समोर येत आहे. घटनेची माहिती मिळताच पंचवटी पोलीस घटनास्थळी दाखल झाले. घटनास्थळाचा पंचनामा करून याप्रकरणी खुनाचा गुन्हा दाखल करण्यात आला आहे.
गणेशोत्सवाच्या काळातच खुनाची घटना घडल्याने खळबळ
ऐन गणेशोत्सवाच्या काळातच खुनाची घटना घडल्याने शहरात खळबळ उडाली आहे. पोलिसांनी तपासाची चक्रे फिरवत एका संशयितास ताब्यात घेतले आहे. तर इतर संशयितांचा पोलिसांकडून शोध घेतला आहे. या घटनेमुळे पंचवटी परिसरात तणावाचे वातावरण निर्माण झाले आहे. तर पंचवटीत पुन्हा गँगवॉर उफाळल्याची चर्चा देखील नागरिकांमध्ये होत आहे. पंचवटी पोलीस (Panchavati Police) पुढील तपास करत आहेत.
नाशिकमध्ये 13 तडीपार गजाआड
तडीपार केल्यानंतरही विनापरवानगी शहरात फिरणाऱ्या १३ तडीपारांना एकाच दिवशी शहर पोलिसांनी (City Police) पुन्हा ताब्यात घेतले आहे. गणेशोत्सव आणि ईद ए मिलाद या सण उत्सवाच्या कालावधीत कोणताही गंभीर गुन्हा घडू नये, कायदा व सुव्यवस्था अबाधित रहावी, यासाठी शहर पोलिसांनी रेकॉर्डवरील गुन्हेगारांची (Criminal) शोध मोहिम राबवली. त्यात हे तडीपार गुन्हेगार आढळून आले आहेत. त्यांच्याविरोधात तडीपार आदेशाचे उल्लंघन केल्याप्रकरणी गुन्हे दाखल करण्यात येऊन 13 तडीपारांना अटक करण्यात आली आहे.
इतर महत्त्वाच्या बातम्या