मुंबईत प्रियकराने स्वत:सह प्रेयसीला पेटवलं, दोघांचाही होरपळून मृत्यू
प्रेयसीवर पेट्रोल टाकून जिवंत जाळण्याच्या प्रयत्नात करत प्रियकरानंही आत्महत्या केली. यात प्रियकराचा शनिवारी जळून मृत्यू झाला आहे. तर प्रेयसीला उपचारासाठी जेजे रुग्णालयात दाखल करण्यात आले होते. आज सकाळी 9 वाजण्याच्या सुमारास तिचाही मृत्यू झाला.

मुंबई : एका प्रियकरांनं प्रेमिकेला पेटवून देऊन नंतर स्वतः आत्महत्या केल्याची घटना घडली आहे. मुंबईतील जोगेश्वरीमध्ये एक धक्कादायक घटना समोर आली आहे. प्रेयसीवर पेट्रोल टाकून जिवंत जाळण्याच्या प्रयत्नात करत प्रियकरानंही आत्महत्या केली. यात प्रियकराचा शनिवारी जळून मृत्यू झाला आहे. तर प्रेयसीला उपचारासाठी जेजे रुग्णालयात दाखल करण्यात आले होते. आज सकाळी 9 वाजण्याच्या सुमारास तिचाही मृत्यू झाला.
विजय खांबे असं मृत तरूणाचं नाव आहे. तर नीलिमा पासकळे असं तरुणीचं नाव आहे. विजयचे नीलिमासोबत प्रेमसंबंध होते. दोघांचे अडीच वर्षांपासून प्रेमसंबंध होते. यासाठी विजयच्या कुटुंबियांनी नीलिमाच्या घरच्यांना लग्नाचा प्रस्ताव दिला होता. मात्र नीलिमीच्या कुटुंबियांनी लग्नास नकार दिला. यामुळे व्यथित झालेल्या विजयने दारुच्या नशेत प्रेयसीला त्रास देण्यास सुरुवात केली होती. त्यामुळे निलिमाने त्याच्याशी लग्न करण्यास नकार दिला. तसेच विजयाच्या त्रासाला कंटाळून आठवड्याभरापूर्वी फिनॉईल पिऊन जीवनयात्रा संपवण्याचा प्रयत्न केला होता.
पाहा व्हिडीओ : Mumbai Murder | मुंबईत प्रियकराने स्वत:सह प्रेयसीला जाळलं, दोघांचाही मृत्यू
प्रेयसी उपचारानंतर घरी आल्यानंतर विजय तिला भेटण्यासाठी गेला होता. प्रेयसिला जाळण्याच्या हेतून विजय तिला भेटायला जाताना पेट्रोल घेऊन गेला. विजय तिच्या घरी जातानाच तिला जाळण्याचा विचार करुन गेला होता. घरी गेल्यानंतर त्याने तिच्या तब्येतीची विचारपूस केली. त्यानंतर त्याने खिशातून पेट्रोलची बाटली काढली आणि नीलिमावर पेट्रोल टाकण्यास सुरुवात केली. काही वेळातच आगीनं पेट घेतला. जेव्हा नीलिमा आगीत होरपळत होती, तेव्हा विजयनंही स्वतःला आगीत झोकून दिलं. पण त्याच आगीत विजयचा होरपळून मृत्यू झाला. नीलिमाला मात्र रुग्णालयात दाखल करण्यात आलं होतं. तिच्यावर उपचार सुरु होते. परंतु, उपचारादरम्यान नीलिमाचाही मृत्यू झाला. या प्रकरणी मेघवाडी पोलिसांनी गुन्हा नोंदवला असून अधिक तपास सुरु आहे.
महत्त्वाच्या बातम्या :
- भीषण अपघातात दोन भावांचा जागीच मृत्यू; पोलिसांनीच आमच्यावर अन्याय केलाय, वडिलांचा गंभीर आरोप
- नौदल अधिकाऱ्याचे अपहरण करून जिवंत जाळले, उपचारादरम्यान मृत्यू
- Nagpur Crime: गुंडाना जमावाने ठेचून मारणे हा नागपूरच्या गुन्हेगारी जगताचा इतिहासच आहे...
Before You Go
Dawood house Musafir Khana in bhendi bazar: अंडरवर्ल्ड डॉन दाऊदच्या मुंबईतील घरावर हातोडा पडला तो क्षण, आकाशात ड्रोनच्या घिरट्या, कडेकोट पोलीस बंदोबस्त





















