Ketan Agrawal Siya Goyal Lohagadh Case Pune: सिया आणि चेतनला आज न्यायालयात हजर करणार; आतापर्यंत कोणकोणते धागेदोरे हाती लागले?, हादरवणारे 13 मुद्दे
Ketan Agrawal Siya Goyal Lohagadh Case Pune: केतन अग्रवाल हत्या प्रकरणात सिया गोयल आणि चेतन चौधरीची पोलीस कोठडी संपणार आहे.
Ketan Agrawal Siya Goyal Lohagadh Case Pune: केतन अग्रवाल (Ketan Agrawal) हत्या प्रकरणात सिया गोयल (Siya Goyal) आणि चेतन चौधरीची (Chetan Choudhari) पोलीस कोठडी संपणार आहे. त्यामुळं आज या दोघांना वडगाव मावळ न्यायालयात दुपारी अडीच नंतर हजर केलं जाईल. न्यायाधीश ए.एम. विभूतेंच्या समोर ही सुनावणी पार पडेल. सियाने तिचा युक्तिवाद वकील विपुल दूशिंग हेचं करतील असं न्यायालयात म्हटल्यानं आता वकील आशुतोष श्रीवास्तवांनी माघार घेतल्याचं बोललं जातंय. चेतन चौधरीच्या बाजूने वकील राधिकेश उत्तरवार आणि राम शहाणे बाजू मांडतील. तर सरकारी वकील म्हणून राजश्री विरकुड कामकाज पाहतील. आज न्यायालयात हजर करण्यापूर्वी गेल्या पाच दिवसांच्या पोलीस कोठडीत कसून तपास करण्यात आला, यात पोलिसांच्या हाती लागलेले महत्वाचे धागेदोरे न्यायालयात सादर केले जाणार आहेत. (Ketan Agrawal Siya Goyal Lohagadh Case Pune)
पाच दिवसांची रिमांड कशासाठी घेण्यात आली आणि कोणते धागेदोरे हाती लागले? (Lohagadh Case Pune)
1) कट कुठे रचला?
- पुण्याच्या लुल्लानगर येथील कॅफेत बसून कट रचला गेला, त्या ठिकाणी सियाला नेहून तपास करण्यात आला.
2) हत्येचा सराव कुठे झाला?
- पुण्यातील लुल्लानगर येथील टेकडीवर हत्येचा कसा सराव करण्यात आला? हे जाणून घेण्यासाठी सियाला घेऊन पोलिसांनी सरावस्थळाची पाहणी केली.
3) डिलीट डेटा रिकव्हर-
- फॉरेन्सिक लॅबमध्ये दोघांसह कामगार नीरज कुमारच्या पाठवलेल्या मोबाईलमधील डेटा रिकव्हर करण्यात आला.
- डिजिटल पुराव्यांचा तपास केला गेला.
4) गुन्ह्यानंतर कुणाशी चर्चा? कबुली किंवा चर्चा झाली का?
- गुन्ह्यानंतर सिया आणि चेतन कोणाला भेटले का? कोणाशी संवाद साधला का? त्यांच्याकडे हत्या आणि कटाबाबत काही सांगितलं का? याची चौकशी करण्यात आली.
5) घटनाक्रमाची पुनर्रचना-
- सियानंतर चेतनसोबत क्राईम सिन रिक्रियेशन करण्यात आलं.
- चेतनचे गेट येनेलिसिस करुन सबळ पुरावा मिळवला.
6) लोहगडावर कोणाशी संवाद साधला का? सीसीटीव्हीतील दृश्यात काय घडलं?
- हत्येदिवशी लोहगडावर सिया आणि चेतनने कोणाशी संवाद साधला का?
- सीसीटीव्हीत दिसणाऱ्या दृश्यात सिया आणि चेतनने नेमका कोणता संवाद साधला? याची चौकशी करण्यात आली.
7) आधीही हत्येचा प्रयत्न?
- 31 मे, 4 जून आणि 14 जूनला हत्या करण्याचा प्रयत्न होता का? हे प्रत्यक्ष घटनास्थळी जाऊन चौकशी केली.
8) केतनचा पासपोर्ट-
- खालापूर टोल नाक्यावरील फूड मॉलवर जाऊन केतनचा पासपोर्ट शोधण्याचा प्रयत्न झाला.
9) नव्या साक्षीदारांचे जबाब-
- काही नवे साक्षीदार समोर आल्याचा पोलिसांचा दावा, त्यांची आणि आरोपींची समोरासमोर चौकशी.
10) लोहगडची आधी रेकी?
- हत्येपूर्वी लोहगड किल्ल्याची सिया आणि चेतनने किती वेळा रेकी केली? या कटासाठी किती वेळा भेटले? याची चौकशी
11) आणखी कोण सहभागी? कटात तिसऱ्या व्यक्तीचा सहभाग?
- सिया आणि चेतनच्या कटात आणखी कोणी सहभागी आहे का? याची दोघांकडे चौकशी करण्यात आली.
12) हत्येदिवशीच्या वस्तू जप्त- (Ketan Agrawal Siya Goyal)
- सियाने हत्येदिवशी वापरलेले कपडे घरी ठेवले होते, तिला मार्केटयार्ड येथील घरी नेहून कपडे जप्त केले
- चेतनची हत्येदिवशीची पॅन्ट जप्त करण्यासाठी पावलं उचलली गेली.
लाय डिटेक्टरमुळे केतन अग्रवाल प्रकरणाचा उलगडा होणार?, VIDEO:
संबंधित बातमी:
महत्त्वाच्या बातम्या
