Gondiya Crime News: मामाकडे जेवला, पुन्हा घरी जाण्यासाठी निघाला; अचानक मोबाईल बंद, दुसऱ्या दिवशी तलावात मृतदेह, गोंदियातील धक्कादायक घटना
Gondiya Crime News: मामाच्या घरी जेवण करून मोटारसायकलने स्वगावी परतणाऱ्या तरुणाचा मृतदेह माकडी दासगाव ते मार्गावरील तलावात आढळून आल्याने खळबळ उडाली आहे.
Gondiya Crime News: गोंदियातील एक धक्कादायक घटना (Gondiya News) समोर आली आहे. मामाच्या घरी जेवण करून मोटारसायकलने स्वगावी परतणाऱ्या तरुणाचा मृतदेह माकडी दासगाव ते मार्गावरील तलावात आढळून आल्याने खळबळ उडाली आहे. रंजीत दमाहे (25, रा. माकडी) असे मृत तरुणाचे नाव आहे.
नेमकं काय घडलं? (Gondiya Crime News)
सोनबिहरी येथे सार्वजनिक दहिहंडीचा कार्यक्रम असल्याने रंजीतच्या मामाने त्याला जेवणासाठी बोलावले होते. त्यानूसार रंजीत माकडीपासून सुमारे 5 किलोमीटर अंतरावरील ग्राम सोनबिहरी येथे मामाच्या घरी गेला होता. जेवण झाल्यानंतर मोटारसायकलने माकडीकडे निघाला. रात्री 9 वाजता कुटुंबीयांनी रंजीतच्या मोबाइलवर फोन केला असता त्याने फोन उचलला नाही. त्यामुळे कुटुंबीयांना चिंता लागली.
तलावात आढळला मृतदेह- (Gondiya Crime News)
दरम्यान, गावातील एक शेतकरी शेताकडे जात असताना रस्त्यावर मोबाईल पडलेला दिसला. त्याच परिसरात मोटारसायकलही उभी असल्याचे त्याच्या निदर्शनास आले. त्याने गावात येऊन ही माहिती दिल्यानंतर नागरिकांनी घटनास्थळी गर्दी केली. रंजीतचा शोध घेतला असता गावानजीकच्या तलावात त्याचा मृतदेह आढळून आला. घटनेची माहिती पोलिसांना देण्यात आली. असून पोलिसांनी घटनेची नोंद घेतली आहे.
कूलरमध्ये पाणी भरताना शॉक लागून मामा-भाचीचा जागीच मृत्यू- (Gondiya Marathi News)
गोंदियामधील आणखी एक धक्कादायक घटना समोर आली आहे. घरातील कूलरमध्ये पाणी भरताना अचानक विजेचा तीव्र प्रवाह उतरल्याने मामा आणि भाची या दोघांचा जागीच विजेचा धक्का लागून दुर्दैवी मृत्यू झाल्याची घटना घडली आहे. ही खळबळजनक घटना आज तिरोडा तालुक्यातील गुमाधावडा येथे घडली. या घटनेमुळे संपूर्ण परिसरात आणि गावावर शोककळा पसरली आहे. भाग्यवान बावणे आणि त्यांची भाची सुप्रिया सुरेश सोनटक्के हे दोघे दुपारी घरातील विजेच्या कूलरमध्ये पाणी भरण्याचे काम करत होते. अचानक कूलरच्या लोखंडी बॉडीमध्ये हाय व्होल्टेज करंट उतरला. पाण्यामुळे विजेचा प्रवाह वेगाने पसरला आणि दोघांनाही विजेचा तीव्र झटका बसला. हा झटका इतका भीषण होता की, मदतीसाठी आरडाओरड करण्याची संधी मिळण्यापूर्वीच दोघांचाही घटनास्थळीच तडफडून अंत झाला. घटनेची माहिती मिळताच ग्रामस्थांनी घटनास्थळी धाव घेतली, मात्र तोपर्यंत उशीर झाला होता. या दुर्दैवी घटनेची माहिती मिळताच स्थानिक पोलिसांनी घटनास्थळी दाखल होऊन पंचनामा केला आहे. ऐन सणासुदीच्या व कौटुंबिक वातावरणात मामा-भाचीचा असा अचानक दुर्दैवी अंत झाल्याने गुमाधावडा गावासह संपूर्ण तिरोडा तालुक्यात हळहळ व्यक्त केली जात आहे.
राज्यासह देश-विदेशातील महत्वाच्या घडामोडी, VIDEO:
ही बातमीही वाचा:
महत्त्वाच्या बातम्या
