Uttar Pradesh Ghaziabad News: इमारतीच्या 9 व्या मजल्यावरुन उडी मारुन 3 बहिणींनी जीवन संपवलं; खोलीत नको नको ते मिळालं, नेमकं काय घडलं?
Uttar Pradesh Ghaziabad News: गाझियाबादच्या भारत सिटी सोसायटीमध्ये राहणाऱ्या तीन अल्पवयीन बहिणींच्या मृत्यूने सर्वांनाच धक्का बसला आहे.
Uttar Pradesh Ghaziabad News: उत्तर प्रदेशातील गाझियाबादमधून एक धक्कादायक घटना समोर आली आहे. तीन अल्पवयीन बहिणींनी इमारतीच्या नवव्या मजल्यावरून उडी मारून आत्महत्या केली आहे. निशिका (16), प्राची (14) आणि पाखी (12) यांनी सामूहिक आत्महत्या केली आहे. घटनेची माहिती मिळताच पोलीस घटनास्थळी पोहोचले असून सदर प्रकरणी तपास सुरु करण्यात आला आहे. (Uttar Pradesh Ghaziabad News)
गाझियाबादच्या तिला मोड पोलीस स्टेशन परिसरातून ही खळबळजनक घटना समोर आली आहे. भारत सिटी सोसायटीमध्ये राहणाऱ्या तीन अल्पवयीन बहिणींच्या मृत्यूने सर्वांनाच धक्का बसला आहे. हे प्रकरण गेमिंग अॅप व्यसनाचे असल्याचे उघड झाले आहे. पोलिसांनी घटनास्थळी येऊन तपास सुरू केला आहे.
Ghaziabad, Uttar Pradesh: Three minor sisters died after jumping off the 9th floor of their residential building in Ghaziabad. The incident occurred around 2 am last night under Tila Mod Police Limits in Loni area. The reason behind the incident is not yet known. However, it is…
— ANI (@ANI) February 4, 2026
नेमकं काय घडलं? (Uttar Pradesh Ghaziabad News)
गाझियाबादमधील तिला मोड येथील भारत सिटी सोसायटीमध्ये रात्री 2 वाजताच्या सुमारास, तीन जण पडल्याचा आवाज ऐकून लोकांनी घटनास्थळी धाव घेतली. तिन्ही बहिणींचे मृतदेह पाहून सर्वांना धक्का बसला. पोलिसांना तात्काळ माहिती देण्यात आली. घटनास्थळी रुग्णवाहिका पोहोचली. तिन्ही बहिणींना तातडीने रुग्णालयात नेण्यात आले, परंतु त्यांचा मृत्यू आधीच झाला होता. ऑनलाइन गेमिंग अॅप्सचे व्यसन असलेल्या तिन्ही बहिणींबद्दल माहिती समोर येत आहे. त्या सतत गेम खेळत होत्या.
गेममध्ये टास्क मिळाल्याचा दावा- (Uttar Pradesh Ghaziabad News)
ऑनलाइन गेममध्ये एक टास्क देण्यात आला होता. कुटुंबातील सदस्यांच्या मते, तिन्ही मुली सुमारे एक वर्षापासून ऑनलाइन गेम खेळत होत्या. गेमच्या शेवटच्या टप्प्यात त्यांच्या कुटुंबातील सदस्यांना शेवटच्या वेळी भेटणे आणि सर्वांचे फोटो काढणे समाविष्ट होते. त्यानंतर, सर्वांना एका खोलीत बंद करायचे होते. त्यानंतर, कोरियन ऑनलाइन गेममध्ये आत्महत्या करण्याचा टास्क होता, असा दावाही करण्यात येत आहे.
मुलींच्या खोलीत नेमकं काय मिळालं? (Uttar Pradesh Ghaziabad News)
घटनेची माहिती मिळताच एसीपीच्या नेतृत्वाखालील एक पोलीस पथक घटनास्थळी पोहोचले. एसीपी स्वतः घटनेचा तपास करत आहेत. आर्थिक कारणांमुळे कोविड-19 साथीच्या आजारापासून तिन्ही मुली शाळेत जात नव्हत्या. कोरियन ऑनलाइन मोबाइल गेमच्या नमुन्यातील छायाचित्रे त्यांच्या खोलीत विखुरलेली आढळली. गेमचा अंतिम ध्येय पूर्ण केल्यानंतर हा आत्महत्येचा प्रकार असल्याचे दिसून येते. या प्रकरणात एक सुसाईड नोटही जप्त करण्यात आली आहे.
ही बातमीही वाचा:
धक्कादायक! लोणावळ्यात 19 वर्षीय तरुणीचा अपघात नसून आत्महत्याच, 390 फूट खोल दरीत घेतली उडी
महत्त्वाच्या बातम्या
