मुंबई : महाराष्ट्र सरकारच्या अन्न व औषध प्रशासनाने (FDA) बनावट औषधे बनवणाऱ्या कंपनीच्या गौरखधंद्याचा भांडाफोड केला आहे. दिनांक 10 जुलै रोजी वसईच्या गहरवार फार्मा प्रोडक्टस प्रा.लि. कंपनीवर धाड टाकून 1 कोटी 41 लाखांची औषधे आणि त्याला लागणाऱ्या मशिनरी, कच्चा माल, पॅकिंग मटेरियल, लेबल्स इत्यादी वस्तू जप्त केल्या आहेत. अन्न व औषध प्रशासनाने मोठ्या रॅकेटचा पर्दाफाश केला आहे असून परवाना रद्द झाला असताना ही कंपनी औषधे उत्पादन करुन वितरीत करत असल्याचं समोर आलं आहे.
वसईच्या गहरवार फार्मा प्रोडक्टस प्रा.लि. या कंपनीने हरयाणा येथील आयुर्वेदिक औषध उत्पादनाकरता नियमाप्रमाणे परवाना घेतला होता. मात्र हा परवाना 14 मे 2024 रोजी रद्द झाला होता. रद्द झाला तरी याच परवान्याचा वापर करुन वसई येथे अवैद्यरित्या ते औषधे बनवत होते.
या परवाना अंतर्गत ते जालंधर येथील ओंकार फार्मा यांना औषधे विक्री आणि वितरण करत असल्याच दाखवत होते. परंतु ही कंपनी वसई येथे होती. वसईहून औषध उत्पादन करुन, बिलावर जालंधर येथील पत्त्याचा ते उल्लेख करुन औषध विक्री करत होते.
ओंकार फार्मा यांच्या वसई येथे धाडीत काही औषधे असे आढळून आले की ज्यांच्या औषधाच्या लेबलवर गहरवार फार्मा वसई, पालघर म्हणून नाव नमूद होतं आणि त्याची उत्पादने दिनांक जानेवारी2024 अशी नमूद केली होती. या ठिकाणी ऋषभ मेडिसिन यांचा आयुर्वेदिक औषध उत्पादन करता परवाना होता. मात्र तो परवाना 2022 रोजीच रद्द झाला होता.
याच कंपनीविरुद्ध मार्च 2024 मध्ये नवघर वसई येथे विना परवाना आयुर्वेदिक औषध उत्पादन केल्याप्रकरणी तसेच आयुर्वेदिक औषधांमध्ये अॅलोपॅथी औषध मिश्रण केल्याप्रकरणी औषध जप्तीची कारवाई करण्यात आली होती. तसेच त्याची भागिदारी संस्था ऋषभ मेडिसीन नवघर वसई यांच्या विरुद्ध 2021 मध्ये आयुर्वेदिक औषदामध्ये अॅलोपॅथी औषध मिश्रण केल्याप्रकरणी औषध जप्तीची कारवाई करण्यात आली होती. तसेच कोर्टात खटलाही दाखला केला होता.
सध्या एफडीए या संपूर्ण घटनेचा तपास करत आहे. टाकलेल्या छाप्यानुसार बनावट औषधे बनवणारी कंपनी अनेक डुप्लिकेट उत्पादने बनवून विकत असल्याचे उघड झालं आहे. आता यामागे आणखी कोणतं मोठं रॅकेट आहे का याचा तपास सुरू आहे.
ही बातमी वाचा: