Thane : मोबाईल चार्जिंगला लावण्यावरुन वाद, दोघांच्या वादात तिसऱ्या मित्राचा खून

Thane News : क्षुल्लक कारणावरून आजकाल भांडणं होण्याचे प्रमाण वाढले असून ठाण्यातून अशीच एक घटना समोर आली आहे.

Mobile_charging

Thane Crime News : क्षुल्लक कारणावरून तरुणांमध्ये भांडण होऊन मग त्याचे रूपांतर हत्येमध्ये घडल्याचे प्रकार सध्या सर्रास समोर येत आहेत. असाच एक प्रकार ठाण्यातील वर्तकनगर परिसरात घडला आहे. मोबाईल चार्जिंगवरुन झालेल्या भांडणात एका तरुणाची थेट हत्या करण्यात आली आहे. याप्रकरणात तीन युवकांना अटक करण्यात आली आहे. रागावर नियंत्रण न राहिल्यामुळे तरुणांकडून अशा प्रकारचे गुन्हे घडण्याच्या प्रमाण हल्ली वाढल्यामुळे पालकांची आणि पोलिसांची चिंता वाढू लागली आहे.

तरुणाचं सळसळतं रक्त, त्यात रागावर नियंत्रण नाही आणि याचा परिणाम मग हातून कोणता न कोणता गुन्हा घडत आहे. याला इंटरनेटचा अधिक वापर, हिसंक गेम जबाबदार असून यामुळे तरुण रागीट बनत आहेत. याच रागाच्या परिणामामध्ये एका तरुणाची हत्या ठाण्यात झाली आहे. ठाण्यातील लोकमान्य नगर येथे मोबाईल चार्जिंगवरून साहिल आणि अभिषेक या दोघांमध्ये आपापसात  वाद झाला. हा वाद नेमका काय? हे जाणून घ्यायला त्यांचा मित्र सुमित गेला असता, साहिल आणि अभिषेक यांना सुमितचा भयंकर राग आला. याच रागातून त्यांनी अन्य मित्रांच्या सहाय्याने धारदार शस्त्राने अंगावर वार करत सुमितवर जीवघेणा हल्ला केला. या हल्ल्यात सुमितचा जागीच मृत्यू झाला. दरम्यान वर्तकनगर पोलीस ठाण्यात हत्येचा गुन्हा दाखल झाला असून तीन आरोपींना अटक करण्यात आली आहे. तर दोन आरोपी फरार आहेत. ठाणे पोलीस त्यांचा शोध घेत आहेत. दरम्यान पाच पैकी एक आरोपी अल्पवयीन असल्याचं समोर आलं आहे. सदर आरोपींची पार्श्वभूमी पाहता त्यांचा क्राईम रेकॉर्ड असल्याचं निदर्शनात आलं आहे. पुढील तपास वर्तकनगर पोलीस करत आहेत. 

हे ही वाचा-

मराठी लाईव्ह न्यूज सुपरफास्ट पाहा ABP Majha वर, मुंबई, पुणे, नागपूर, औरंगाबाद, मनोरंजन, क्रिकेट, देश-विदेशातील प्रत्येक बातमी सर्वात आधी एबीपी माझावर Live