Chandrapur Crime: चंद्रपूर जिल्ह्यातील भद्रावती शहरात शिर नसलेल्या एका अज्ञात तरूणीचं मृतदेह नग्नअवस्थेत सापडलं आहे. भद्रावती शहराजवळ असलेल्या साई पार्क लेआऊट परिसरात हा मृतदेह मिळालाय. मृत महिलेची ओळख पटलेली नसून स्थानिक पोलिसांनी पुढील चौकशीला सुरुवात केली आहे. या घटनेनंतर संपूर्ण परिसरात एकच खळबळ माजली आहे. 


मिळालेल्या माहितीनुसार, चंद्रपूरच्या भद्रावती शहराजवळ असलेल्या साई पार्क लेआऊट परिसरात हा मृतदेह मिळालाय. मृतक तरुणीचं वय अंदाजे 25 वर्ष असून तिची ओळख अद्याप पटलेली नाही. अतिशय निर्घृणपणे या महिलेची हत्या करून शिर धडावेगळं करण्यात आलं आहे. पोलिसांना अद्याप या महिलेचं शीर मिळालेलं नाही. भद्रावती पोलीस स्टेशनमध्ये या मुलीच्या मिसिंगची तक्रार दाखल नसल्याने पोलिसांनी आजूबाजूच्या जिल्ह्यांमध्ये देखील या तरूणीच्या बेपत्ताचा शोध सुरु केलाय.  तरूणीचा मृतदेह मिळताच पोलिसांचं डॉग स्क्वाड आणि फॉरेन्सिक टीम घटनास्थळी दाखल झाली. सध्या या प्रकरणात पोलीस काहीही बोलायला तयार नाही.


जळगाव शहरात हत्येचं सत्र सुरू
ळगाव शहरातील खुनाचे सत्र कायम असल्याचं पाहायला मिळत आहे. मागील आठवड्यात एकाच दिवसात बारा तासांच्या अंतराने दोन खून झाल्याच्या घटना जळगाव शहरात ताज्या असताना आज पुन्हा एकदा शिवाजीनगर परिसरात खून झाल्याची घटना समोर आल्याने खळबळ उडाली आहे. मागील आठवड्यात दोन्ही खुनाच्या घटनामागे अनैतिक संबंधच कारण समोर आले होते. यातील आरोपींना अटक करण्यात पोलिसांना यश मिळाले असले तरी खुनाच्या घटना मात्र रोखता आल्या नव्हत्या. 


हे देखील वाचा-



LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha