कीर्तनात बसलेल्या पत्नीवर पतीची दगडफेक आणि तलवारबाजी, बीड जिल्ह्यातील धक्कादायक घटना
तू कुणाला विचारुन किर्तनाला आली आहेस असं म्हणत पतीने आपल्या पत्नीला लाथाबुक्क्यांनी मारहाण केली आणि जमलेल्या लोकांवर दगडफेकही केली.
बीड : पत्नी कीर्तन ऐकण्यात दंग असताना अचानक तिथे पतीची एन्ट्री झाली आणि संतप्त पतीने तिच्यावर थेट दगडफेक करायला सुरुवात केली. एवढेच नाही तर हातातील तलवारीने पत्नीला मारहाण करायला सुरुवात केली. परळी तालुक्यातील मालेवाडीमध्ये ही धक्कादायक घटना घडली आहे.
मालेवाडीमध्ये गावातील मारुतीच्या मंदिरामध्ये हभप अर्जुन महाराज लाड यांच्या कीर्तनाचा कार्यक्रम होता. हे किर्तन ऐकायला माणिक बदने या व्यक्तीची पत्नी बसली होती. गावातील बरीच वृद्ध मंडळी कीर्तन ऐकण्यात दंग होती. याच वेळी माणिक बदने तिथे अवतरला ते थेट हातामध्ये तलवारीसारखे शस्त्र घेऊन. सुरुवातीला माणिक बदने याने आपल्या पत्नीला मोठमोठ्याने शिव्या द्यायला सुरुवात केली आणि चालू कीर्तनात मिठाचा खडा पडला.
तू कुणाला विचारुन किर्तनाला आली आहेस असे म्हणत माणिक बदने याने आपल्या पत्नीला मारहाण करायला सुरुवात केली. यावेळी आजूबाजूच्या लोकांनी भांडण सोडावण्याचा प्रयत्न केला. मात्र माणिक बदने यांनी भांडण सोडवण्यास आलेल्या व्यक्तीलाच मारहाण केली. माणिक बदणे एवढ्यावरच थांबला नाही तर आजूबाजूचे दगड हातात हे त्याने चक्क दगडफेक करायला सुरुवात केली.
या दगडफेकीत आणि मारहाणीमध्ये भांडण सोडवायला आलेले चार जण जखमी झालेत. भर कीर्तनात पत्नीला लाथाबुक्क्यांनी मारहाण करत माणिक बदने याने अक्षरशः नंगानाच चालवला. याप्रकरणी या पीडित महिलेनेच पत्नीविरुद्ध फिर्याद दाखल केली असून परळी ग्रामीण पोलीस ठाण्यात गुन्हा दाखल करण्यात आला आहे.
महत्वाच्या बातम्या :
महत्त्वाच्या बातम्या
