धक्कादायक! बीडमध्ये भाच्याकडून मामाच्या 10 वर्षीय चिमुकलीवर अत्याचार, घरातून पळाला; पोस्को अंतर्गत गुन्हा दाखल

बीडच्या केज तालुक्यात असलेल्या युसुफ वडगाव पोलीस ठाण्याच्या हद्दीत आधी आजोबांनी आपल्या नातीवर अत्याचार केल्याची घटना घडली.

beed kej crime news 10 years girl

Source : Abp

बीड : पुण्यात चिमुकलीवर झालेल्या अत्याचाराची (Crime News) घटना ताजी असतानाच राज्यातील इतरही जिल्ह्यात अशा घटना घडल्याची काही प्रकरणे समोर येत आहेत. पुण्यातील पर्वती भागात मंगळवारी रात्री अशीच घटना घडली असून चक्क 70 वर्षीय आजोबानेच आपल्या नातीवर अत्याचार केल्याचा धक्कादायक प्रकार समोर आला. या घटनेनंतर आता बीड (Beed) जिल्ह्यातूनही अत्याचाराची धक्कादायक घटना समोर आली असून आरोपीविरुद्ध यु. वडगाव पोलीस ठाण्यात (Police) पोस्को कायद्यांतर्गत गुन्हा दाखल झाला आहे. 

बीडच्या केज तालुक्यात असलेल्या युसुफ वडगाव पोलीस ठाण्याच्या हद्दीत आधी आजोबांनी आपल्या नातीवर अत्याचार केल्याची घटना घडली. त्यानंतर अंगणवाडी सेविकेवर गुंगीचे औषध देऊन अत्याचार करण्यात आले, या दोन्ही घटना ताज्या असतानाच अत्याचाराची आणखी एक धक्कादायक घटना समोर आलीय. उन्हाळ्याच्या सुट्टीसाठी मामाच्या गावाला आलेल्या भाच्याने मामा-मामी रात्री शेतात पाणी देण्यासाठी गेल्याची संधी साधत रात्री घरात एकटी असलेल्या मामाच्या अल्पवयीन मुलीवर अत्याचार केले. 10 वर्षाच्या मुलीवर एकटी असल्याचा गैरफायदा घेत मामाच्या लहान मुलीवर भाच्याने अत्याचार केल्याने कुटुंबीयांत खळबळ उडाली. इतकेच नाही तर मामा घरी येण्या अगोदर तो मुलगा (भाचा) घरातून पळूनही गेला होता. त्यानंतर आई वडील घरी आल्यानंतर पीडितीने घडलेला प्रकार आईला सांगितला. आई वडिलांनी पोलीस ठाण्यात जाऊन भाच्याविरोधात फिर्याद दिल्यानंतर पोलिसांनी पोस्को अंतर्गत गुन्हा दाखल केला. गुन्हा दाखल होताच सदरील आरोपीस पोलिसांनी ईटकुर येथून अटक करण्यात आली. या प्रकरणाचा अधिकचा तपास केज पोलीस करत आहेत.

टिप्परचालकाचा खून, आरोपीविरुद्ध गुन्हा

बीडच्या केज तालुक्यातील सुरडी येथील टिप्पर चालक खुशालराम ठोंबरे यांचा काठीने बेदम मारहाण करत खून करण्यात आल्याची घटना रात्री घडली.याप्रकरणी मंगेश माने याच्याविरोधात युसुफ वडगाव पोलीस ठाण्यात गुन्हा दाखल करण्यात आला आहे. खुशालराम ठोंबरे व मंगेश माने यांच्या कुटुंबात वाद झाले होते. याच वादाच्या कारणातून मंगेश माने याने खुशालराम ठोंबरे हे एका हॉटेलमध्ये बसलेले असताना तेथे जाऊन काठीने बेदम मारहाण केली, या मारहाणीत जखमी झालेल्या ठोंबरे यांना रुग्णालयात दाखल केले असता डॉक्टरांनी त्यांचा मृत्यू झाल्याचे स्पष्ट केले. या प्रकरणात आता गुन्हा दाखल करण्यात आला असून युसुफ वडगाव पोलीस अधिक तपास करत आहेत.

हेही वाचा