Amravati : तब्बल 180 महिलांचं लैंगिक शोषण, 350 पेक्षा जास्त अश्लील व्हिडीओ? अमरावतीत रॅकेटचा पर्दाफाश
Amravati Women Exploitation Racket : अमरावतीत 19 वर्षीय तरुणावर तब्बल 180 महिलांचे लैंगिक शोषण आणि अश्लील व्हिडिओ तयार करून ब्लॅकमेल केल्याचा गंभीर आरोप असून पोलिसांनी त्याला अटक केली आहे.
अमरावती : राज्यभरात खरातच्या कारनाम्यांची चर्चा झडत असताना अमरावतीत आणखी एक सेक्स रॅकेट (Amravati Women Exploitation Racket ) उघडकीस आलं आहे. अवघ्या 19 वर्षाच्या आरोपीनं अनेक महिलांचं लैंगिक शोषण केल्याचा आरोप करण्यात आला आहे. त्याला 21 तारखेपर्यंत पोलीस कोठडी मिळाली असून चौकशीत मोठं प्रकरण बाहेर येण्याची शक्यता आहे.
सोशल मीडियावर अनेक अश्लील व्हिडिओ व्हायरल झाल्यानंतर हा प्रकार समोर आला. या प्रकरणात आरोपीने अनेक तरुणींना मैत्री आणि प्रेमाच्या जाळ्यात ओढलं आणि नंतर ब्लॅकमेल करून त्यांच्यावर अत्याचार केल्याचा संशय व्यक्त केला जात आहे.
Women Exploitation Racket : 180 महिलांच्या शोषणाचा आरोप
सूत्रांच्या माहितीनुसार, आरोपीने सुमारे 150 ते 180 महिलांना ब्लॅकमेल करत लैंगिक शोषण केल्याचा आरोप आहे. आतापर्यंत 10 ते 15 महिलांसोबत अश्लील व्हिडीओ तयार केल्याचे उघड झाले आहे. हे व्हिडीओ Instagram आणि Telegram सारख्या सोशल मीडिया प्लॅटफॉर्मवर व्हायरल झाले होते.
Police Action : तक्रारीनंतर गुन्हा दाखल
या प्रकरणावरून भाजप नेते अनिल बोंडे आणि प्रवीण तायडे आक्रमक झाले होते. पोलिसांकडून कारवाई होत नसल्याचा आरोप करत त्यांनी तक्रार दाखल केली. यानंतर पोलिसांनी स्वतःहून गुन्हा दाखल करत आरोपीला अटक केली आहे. या प्रकरणात विशाल आनंद यांनी पीडित महिलांना पुढे येण्याचे आवाहन केले आहे.
Victims Appeal : महिलांना पुढे येण्याचे आवाहन
पोलिसांनी सांगितले की, पीडित महिलांच्या कुटुंबीयांनी पुढे येऊन तक्रार करावी. साध्या वेशातील महिला पोलिसांना त्यांच्या संपर्कासाठी पाठवले जाणार आहे. अद्याप एकही अधिकृत तक्रार दाखल झाली नसली तरी पोलिसांनी स्वतःहून गुन्हा दाखल केला आहे.
Accused Background : आरोपी विद्यार्थी, टोळीचा संशय
आरोपी हा परतवाड्यातील गटरमलपूरा भागात राहणारा असून अकरावीचा विद्यार्थी असल्याची माहिती समोर आली आहे. या प्रकरणात आरोपी एकटा नसून त्यामागे मोठे नेटवर्क सक्रिय असल्याचा संशय व्यक्त केला जात आहे.
Social Concern : भीतीमुळे तक्रारी पुढे येत नाहीत
समाजात बदनामी होण्याची भीती किंवा गुन्हेगारांकडून धोका असल्यामुळे अनेक पीडित महिला तक्रार देण्यास पुढे येत नाहीत. तज्ज्ञांच्या मते, अशा प्रकरणांमध्ये पीडितांनी पुढे येऊन तक्रार केल्यासच अशा गुन्हेगारी चक्राला आळा बसू शकतो.
ही बातमी वाचा:
महत्त्वाच्या बातम्या
