Ambernath crime: अंबरनाथमध्ये भयंकर घडलं, दबक्या पावलाने आला अन् 12 व्या मजल्यावरुन मांजरीला ढकललं, घटना CCTVत कैद
Ambernath crime News: अंबरनाथमध्ये मांजरीला 12 व्या मजल्यावरून ढकललं! पालेगाव परिसरातील घटना सीसीटीव्हीत कैद.
Ambernath crime Cat Thrown: अंबरनाथमध्ये (Ambernath) माणुसकीला (Crime News) काळिमा फासणारी घटना समोर आली आहे. पालेगाव परिसरात 12 मजल्यावरुन एका मांजरीला ढकलण्यात आलं. ही घटना सीसीटीव्ही कॅमेऱ्यात कैद करण्यात आली आहे. याचा धक्कादायक व्हिडीओ सध्या सोशल मीडियात व्हायरल होत आहे. या व्हिडीओत एक माथेफिरू व्यक्ती इमारतीच्या डक्टमधून मांजरीला ढकलून देत असल्याचं दिसत आहे. मांजर (Cat Thrown) खाली पडली की नाही, हे त्याने वाकूनही पाहिलं. यानंतर तो व्यक्ती निघून जातो. या घटनेत मांजरीचा मृत्यू होतो. दरम्यान, या प्रकरणी आता माथेफिरू व्यक्तीवर गुन्हा दाखल करण्याची मागणी केली जात आहे.
अंबारनाथमध्ये माणुसकीला काळिमा फासणारी घटना घडली (Animal Cruelty in Ambernath)
अंबरनाथ पूर्वेतील पालेगाव परिसरात रॉयल फ्लोरा इमारतीत हा सर्व प्रकार घडला. इमारतीच्या ए विंग मधील 12 व्या मजल्यावर ही घटना घडली असल्याची माहिती आहे. काल म्हणजेच रविवारी 26 जुलै रोजी पावणेसहा वाजताच्या दरम्यान, एक मांजर 12 व्या मजल्यावरील डक्टच्या भिंतीवर चालत होती. यावेळी एक माथेफिरू व्यक्ती दबक्या पावलाने तिथे येतो. माथेफिरू व्यक्ती वयस्कर दिसत असून, तो मांजरीला डक्टवरुन खाली ढकलून दिलं. त्या व्यक्तीच्या हातात रुमाल देखील दिसत आहे.
यानंतर मांजर खाली पडली आहे की नाही, हे तो वाकून पाहतो. त्यानंतर तो तेथून निघून जातो. माथेफिरू व्यक्ती जस जसं मांजरीच्या जवळ जातो, तशी मांजर घाबरते. काही समजाच्या आत तो मांजरीला ढकलतो. हा संपूर्ण प्रकार रॉयल फ्लोरा इमारतीच्या सीसीटीव्ही कॅमेऱ्यात कैद झाला आहे. या व्हिडीओत ही घटना स्पष्ट दिसत आहे. दरम्यान, ही घटना सकाळच्या सुमारास घडल्यामुळे इमारतीच्या आवारात कुणीही दिसत नाहीये.
12 व्या मजल्यावरील सगळ्या रुमचे दरवाजे बंद आहेत. त्यामुळे माथेफिरू व्यक्ती हे धक्कादायक कृत्य करु शकला. या घटनेत मांजरीचा मृत्यू झाला असून, याची माहिती मिळताच इमारतीतील रहिवासी संतापले आहेत. या प्रकरणी आता प्राणी संरक्षण कायद्यानुसार या व्यक्तीवर गुन्हा दाखल करण्याची मागणी केली जात आहे. मात्र या व्यक्तीने मांजरीला का ढकललं? मांजरीला 12 व्या मजलीवरुन ढकलण्यामागचं कारण काय? याची माहिती अद्याप समोर आलेली नाही. दरम्यान, ही घटना समोर येताच इमारतीतील रहिवासी आणि परिसरातील नागरिकांमध्ये संतापाचे वातावरण पाहायला मिळत आहे.
महत्त्वाच्या इतर बातम्या:
सीजीपीच्या आंदोलनात अभिनवची चर्चा, रातोरात झाला नॅशनल क्रश; 'तो' इन्फ्ल्युएंसर आहे तरी कोण?
महत्त्वाच्या बातम्या
