गणेशोत्सव मंडळाच्या मंडपात मुलीसोबत अश्लील चाळे; 59 वर्षीय आरोपीवर गुन्हा दाखल, मुंबईतील धक्कादायक घटना
Mumbai Crime News: मुलीच्या आईने दिलेल्या तक्रारीनंतर पोलिसांनी विनयभंग, पोक्सोअंतर्गत गुन्हा नोंदवला आहे.
Mumbai Crime News: सध्या मुंबईसह राज्यभरात गणेशोत्सव (Ganesh Utsav) मोठ्या उत्साहात साजरा होत आहे. मुंबईत भाविकांची मोठ्या प्रमाणात गर्दी दिसून येत आहे. मात्र याचदरम्यान एक धक्कादायक माहिती समोर आली आहे.
मुंबईतील गिरगावमधील एका गणेशोत्सव मंडळाच्या मंडपात 13 वर्षीय मुलीचा विनयभंग झाल्याची घटना (Mumbai Crime News) घडली आहे. याप्रकरणी सोमवारी आरोपीला व्ही. पी. रोड पोलिसांनी अटक केली आहे. मुलीच्या आईने दिलेल्या तक्रारीनंतर पोलिसांनी विनयभंग, पोक्सोअंतर्गत गुन्हा नोंदवला आहे.
गणेशोत्सव मंडळाच्या मंडपात लपंडाव खेळत असलेल्या 13 वर्षीय मुलीसोबत 59 वर्षीय व्यक्तीने अश्लील चाळे केले. रविवारी दुपारी अडीचच्या सुमारास ही घटना घडली. मुलगी भाऊ आणि मित्र-मैत्रिणीसोबत लपंडावचा खेळ खेळताना लपण्यासाठी ती मंडपात गेली. यादरम्यान आरोपीने तिच्यासोबत अश्लील चाळे केले. मुलीने घडलेला प्रकार आईला सांगताच त्यांनी तत्काळ पोलिसांत धाव घेत तक्रार दिली. पोलिसांनी गुन्हा नोंदवत अटकेची कारवाई केली.
चिमुरडीवर अत्याचार करून दगडाने ठेचत संपवलं-
बारा वर्षीय अल्पवयीन मुलीवर अत्याचार करून तिची दगडाने ठेचून हत्या करण्यात आल्याची संतापजनक घटना जळगाव जिल्ह्यात चोपडा तालुक्यात घडली आहे. या प्रकरणी पोलिसांनी एका संशयितास ताब्यात घेतले आहे. या घटनेमुळे जळगाव जिल्ह्यात एकच खळबळ उडाली आहे. याबाबत अधिक माहिती अशी की, जळगाव जिल्ह्याच्या चोपडा तालुक्यातील विरवाडे परिसरात दोघी बहिणी शेतात कामाला गेल्या होत्या. कामावरून मालापूरकडून दोघी घरी परतताना बारा वर्षीय चिमुरडीला 25 वर्षीय संशयिताने विरवाडे शिवारातील शेतात ओढून नेले. तिथे तिच्यावर अत्याचार केला. त्यानंतर तिचा दगडाने ठेचून निघृण खून केला. खुनानंतर संशयिताने विवस्त्र अल्पवयीन मुलीला घटनास्थळावरून शंभर फूट ओढत नेत कापसाच्या शेतात फेकून दिले. मुलगी घरी परतली नसल्याने तिचा शोध घेत असताना, कापसाच्या पिकात तिचा अर्धनग्न अवस्थेत असलेला मृतदेह आढळून आला. याबाबत गावकऱ्यांनी पोलिसांना माहिती दिली.
संशयिताला अटक-
घटनेची माहिती मिळताच चोपडा उपविभागीय पोलीस अधिकारी कुणाल सोनवणे, पोलीस निरीक्षक मधुकर साळवे, पोलीस उपनिरीक्षक जितेंद्र वल्टे यांच्यासह शहर पोलीस घटनास्थळी दाखल झाले. पोलिसांनी तपासचक्रे वेगाने फिरविली. जळगावहून स्थानिक गुन्हे अन्वेषण शाखेचे पथक घटनास्थळी दाखल झाले. या प्रकरणी गुन्हा दाखल करण्यात आला असून मिळालेल्या माहितीच्या आधारे पोलिसांनी संशयिताला अटक केली आहे. या प्रकरणी पोलीस पुढील तपास करत आहेत.
संबंधित बातमी:
एकाच कुटुंबातील आई-वडील आणि आठ वर्षाच्या मुलाला संपवलं, कर्जतमध्ये तिहेरी हत्याकांड प्रकरण
महत्त्वाच्या बातम्या
