State Dinner USA: मुकेश अंबानी-निता अंबानी ज्यो बायडेन यांच्या स्टेट डिनरमध्ये सहभागी, मोदींचा दौरा ऐतिहासिक असल्याची प्रतिक्रिया
Reliance Foundation: काही मोजक्या पाहुण्यांसाठी आयोजित करण्यात आलेल्या स्टेट डिनरमध्ये रिलायन्स उद्योगसमूहाचे अध्यक्ष मुकेश अंबानी आणि निता अंबानी सामील झाल्या होत्या.
US President State Dinner: भारताचे पंतप्रधान नरेंद्र मोदी यांच्या सन्मानार्थ अमेरिकन राष्ट्राध्यक्ष ज्यो बायडेन आणि फर्स्ट लेडी जिल बायडेन यांनी आयोजित केलेल्या स्टेट डिनरमध्ये रिलायन्सचे मुकेश अंबानी (Mukesh Ambani) आणि त्यांच्या पत्नी निता अंबानी सामील झाल्या होत्या. पंतप्रधानांचा अमेरिका दौरा हा ऐतिहासिक असल्याची प्रतिक्रिया यावेळी त्यांनी दिली.
अमेरिकेच्या राष्ट्राध्यक्षांनी स्टेट डिनरसाठी 400 पाहुण्यांना आमंत्रित केले होते. त्यामध्ये रिलायन्स इंडस्ट्रीजचे चेअरमन मुकेश अंबानी आणि रिलायन्स फाऊंडेशनच्या संस्थापक आणि चेअरपर्सन निता अंबानी (Nita Ambani) सामील झाल्या होत्या.
व्हाईट हाऊसमध्ये आयोजित करण्यात आलेल्या स्टेट डिनरमध्ये नीता अंबानी मुकेश अंबानींसोबत पारंपारिक भारतीय पोशाख परिधान करून आल्या होत्या. या खास प्रसंगासाठी नीता अंबानी यांनी रिलायन्स फाऊंडेशनच्या 'स्वदेश' मधून एक उत्कृष्ट सिल्क साडी निवडली, जी भारतीय कला आणि हस्तकलेचे प्रदर्शन करते. हा पारंपारिक पोशाख भारतीय वारसा आणि संस्कृतीचा अविभाज्य भाग आहे.
Our Chairman and Managing Director Mr. Mukesh Ambani & our Founder and Chairperson Mrs. Nita Ambani, adorning traditional Indian attire, attended the State Dinner at the White House hosted in honor of Prime Minister Narendra Modi.#SWADESH pic.twitter.com/RtqkjvCM7M
— Reliance Foundation (@ril_foundation) June 23, 2023
स्टेट डिनरला उपस्थित असताना मुकेश अंबानी यांनी पंतप्रधान मोदींचा अमेरिका दौरा ऐतिहासिक असल्याचे म्हटले. भारत आणि अमेरिका या दोन्ही देशांसाठी त्यांचा दौरा अत्यंत यशस्वी ठरला आहे, असे ते म्हणाले.
Mukesh Ambani and Nita Ambani at the White House for the State Dinner. #MukeshAmbani #NitaAmbani #ModiInAmerica pic.twitter.com/OIJqMO4ZZK
— ABP News (@ABPNews) June 23, 2023
या स्टेट डिनरमध्ये मुकेश आणि नीता अंबानी अल्फाबेट आणि त्याची उपकंपनी गुगलचे सीईओ सुंदर पिचाई आणि त्यांची पत्नी अंजली पिचाई यांच्यासोबत दिसले. या स्टेट डिनरमध्ये राष्ट्रपती बिडेन यांनी 400 पाहुण्यांना आमंत्रित केले होते. ज्यामध्ये इंदिरा नूयी, आनंद महिंद्रा, निखिल कामत, शंतनू नारायण यांच्यासह अनेक दिग्गजांचा समावेश आहे. राष्ट्राध्यक्ष बिडेन यांनी पंतप्रधान मोदींच्या सन्मानार्थ दिलेली ही राज्य मेजवानी भारत आणि अमेरिका यांच्यातील संबंधांचे वैशिष्ट्य दर्शवते. कारण यापूर्वी राष्ट्राध्यक्ष बिडेन यांनी केवळ दक्षिण कोरियाचे राष्ट्राध्यक्ष यून सुक येओल आणि फ्रान्सचे राष्ट्राध्यक्ष इमॅन्युएल मॅक्रॉन यांच्या सन्मानार्थ स्टेट डिनरचे आयोजन केले होते.
महत्त्वाच्या बातम्या
