Share Market Opening : सेन्सेक्सची 60100 वर उसळी, निफ्टी 18 हजारांखाली; आयटी, बँक शेअसर्ची घोडदौड

Share Market Opening Bell : शेअर बाजारात आज सुरुवातीच्या सत्रात तेजी पाहायला मिळत आहे. सेन्सेक्स हळूहळू उसळी घेताना दिसत आहे.

Share Market Opening Bell

Stock Market Opening Bell : शेअर बाजारात (Share Market) आज चांगली सुरुवात झाली आहे. सोमवारी बाजार बंद होताना अस्थिरता पाहायली मिळाली. मात्र, आज मंगळवारी शेअर बाजारात सुरुवातीच्या सत्रात तेजी पाहायला मिळत आहे. सेन्सेक्स हळूहळू उसळी घेताना दिसत आहे. सेन्सेक्स सध्या 20.33 अंकानी तेजीत असून 60,113 वर पोहोचला आहे. तर, निफ्टी 27.65 अंकांच्या तेजीसह म्हणजेच 0.15 टक्क्यांच्या तेजीत 17922 वर व्यवहार करत आहे.

किंचित वाढीने शेअर बाजाराची सुरुवात 

आज शेअर बाजाराची सुरुवात किंचित वाढीने झाली. BSE चा 30 शेअर्सचा सेन्सेक्स 49.11 अंकांच्या म्हणजेच 0.082 टक्क्यांच्या किंचित वाढीसह 60,142 वर उघडला. तसेच NSE चा 50 शेअर्सचा निर्देशांक निफ्टी आज 27.95 अंकांच्या म्हणजेच 0.16 टक्क्यांच्या वाढीसह 17,922.80 वर उघडला.

'या' सेक्टरमध्ये घसरण

निफ्टीमध्ये मीडिया, मेटल, फार्मा, रिॲलटी, कंज्यूमर ड्यूरेबल्स, हेल्थकेयर इंडेक्समध्ये घसरणीचे चित्र दिसत आहे. तर आज बँक, ऑटो, ऑयल अँड गॅस, आयटी, एफएमसीजी, फायनेंशियल सर्विस या सेक्टरची घोडदौड सुरु आहे. 

'या' शेअर्समध्ये तेजी

हिंदुस्थान युनिलिव्हर (HUL) एचसीएल टेक, एलअँडटी, टाटा मोटर्स, एनटीपीसी, एचडीएफसी, अल्ट्राटेक सिमेंट, एचडीएफसी बँक, एशियन पेंट्स, रिलायन्स, इन्फोसिस, कोटक बँक, टीसीएस, आयटीसी, एसबीआय, पावरग्रिड, ॲक्सिस बँक, नेस्ले, बजाज फायनँस, विप्रो, मारुती सुझुकी आणि टेक महिंद्रा हे शेअर्स तेजीत आहेत.

सेन्सेक्स आणि निफ्टी शेअर्सची स्थिती काय?

आज सेन्सेक्समधील 30 पैकी 21 शेअर्स तेजीसह तर 9 शेअर्स घसरणीसह व्यवहार करत आहेत. याशिवाय निफ्टीच्या 50 शेअर्सपैकी 31 शेअर्स तेजीत आहेत तर 19 शेअर्सची घसरण सुरु आहेत. बँक निफ्टी आज 42200 च्या वर पोहोचले आहेत.

पेट्रोलियम कंपन्यांचे शेअर्स तेजीत

आज शेअर बाजारात तेल आणि गॅस तसेच त्या संबंधित कंपन्यांच्या शेअर्समध्ये तेजी पाहायला मिळत आहे. यामागे मोठे कारण म्हणजे आज सरकारने कच्चे तेल, डिझेल आणि विमान इंधनावरील विंडफॉल टॅक्स कमी करण्याची घोषणा केली आहे. त्यामुळे तेल आणि वायू कंपन्यांचे शेअर्स वेगाने परतले आहेत. विंडफॉल टॅक्सचे जारी केलेले दर 17 जानेवारी 2023 पासून म्हणजेच आजपासून लागू झाले आहेत.

महत्त्वाच्या इतर बातम्या