भारतातील सर्वात मोठे तांदूळ उत्पादक राज्य कोणते आहे? संपूर्ण यादी एका क्लिकवर
भात (Rice) हे भारतातील (India) प्रमुख पिकांपैकी एक आहे. भारतातील पिकांपैकी एक चतुर्थांश भाग हा तांदूळ पिकानं व्यापला आहे.
Rice Production : भात (Rice) हे भारतातील (India) प्रमुख पिकांपैकी एक आहे. भारतातील पिकांपैकी एक चतुर्थांश भाग हा तांदूळ पिकानं व्यापला आहे. तांदूळ उत्पादनात भारत जगात अग्रेसर आहे. जगातील इतर अनेक देश प्रामुख्याने भातशेती करतात. ऊस आणि मकानंतर भात जगातील तिसरे सर्वात जास्त लागवड केलेले पीक आहे. तांदळापासून अनेक प्रकारचे पदार्थ बनवू शकता. दरम्यान, देशातील कोण कोणत्या राज्यात तांदळाचे सर्वाधिक उत्पादन होते, याबाबतची माहिती पाहुयात.
तांदूळ हा भारतीय खाद्यपदार्थातील महत्त्वाचा पदार्थ आहे. व्हिटॅमिन बी, मॅंगनीज, सेलेनियम, मॅग्नेशियम आणि फायबर पुरेशा प्रमाणात भातामध्ये आढळतात. भारतात तांदळाचे सर्वाधिक उत्पादन होते. देशातील कोणत्या राज्यात तांदळाचे सर्वात जास्त उत्पादन होते, याबाबतची माहिती जाणून घेऊयात.
पश्चिम बंगालमध्ये तांदळाचे सर्वाधिक उत्पादन
छत्तीसगडमध्ये जरी मोठ्या प्रमाणात तांदळाचे उत्पादन होत असले तरी भारतात सर्वाधिक तांदळाचे उत्पादन पश्चिम बंगालमध्ये होते. म्हणजेच भारतात तांदूळ उत्पादनात हे पश्चिम बंगाल हे राज्य आघाडीवर आहे. येथील शेतकरी दरवर्षी मोठ्या प्रमाणात तांदळाचे उत्पादन घेतात. देशातील एकूण तांदूळ उत्पादनात बंगालचा वाटा 13.62 टक्के आहे.
सर्वात जास्त उत्पादन करणारी 3 राज्य कोणती?
तांदूळ उत्पादनात अग्रेसर असलेल्या पहिल्या तीन राज्याबद्दल बोलायचे झाल्यास पश्चिम बंगाल हे पहिल्या क्रमांकावर आहे. तिथे एकूण उत्पादन हे 13.62 टक्के होते. तर त्याचवेळी, उत्तर प्रदेशमध्ये तांदळाचे उत्पादन हे 12.81 टक्क्यांसह दुसऱ्या क्रमांकावर आहे. पंजाब तिसऱ्या क्रमांकावर आहे, ज्याचा एकूण वाटा 9.96 टक्के आहे.
तांदळाचे फायदे आणि पोषक तत्वे
व्हिटॅमिन बी, मॅंगनीज, सेलेनियम, मॅग्नेशियम आणि फायबर पुरेशा प्रमाणात भातामध्ये आढळतात. हे सर्व पोषक तत्व शरीरासाठी अत्यंत आवश्यक आहेत. तसेच भातापासून बनवलेली खिचडी एक चमचा तूप मिसळून खाल्ल्याने पचनक्रिया सुधारते. तुमचे पोट हलके ठेवण्यास देखील मदत करते. याशिवाय भात खाल्ल्याने अनेक आजारांपासून आराम मिळतो.
भात रक्तातील साखर नियंत्रित करण्याचे काम करते.
भात पचायला खूप हलका असतो
हृदयाचे आरोग्य वाढवते
आतडे निरोगी ठेवते
मायग्रेनच्या समस्येपासून आराम मिळतो
महत्त्वाच्या बातम्या:
पाकिस्तानमधून आलेला तांदूळ बनला भारतीय बाजारपेठेचा 'राजा', 'इंडिया गेट बासमती तांदळा'ची यशोगाथा
महत्त्वाच्या बातम्या
ट्रेंडिंग न्यूज
