कोणत्या शेतकऱ्यांना PM किसानचा लाभ मिळत नाही? जाणून घ्या सविस्तर माहिती

कोणत्या शेतकरी बांधवांना पंतप्रधान किसान सन्मान निधी योजनेचा लाभ मिळत नाही. जाणून घेऊयात याबाबतची सविस्तर माहिती. 

PM Kisan Samman Nidhi Yojana

Source : PM Kisan Samman Nidhi Yojana

PM Kisan Samman Nidhi Yojana : शेतकऱ्यांना (Farmers) सामान्य नागरिकांना पाठबळ देण्यासाठी सरकारनं विविध योजना सुरु केल्या आहेत. यातीलच एक योजना म्हणते पंतप्रधान किसान सन्मान निधी योजना (PM Kisan Samman Nidhi Yojana). या योजनेच्या माध्यमातून शेतकऱ्यांच्या (Farmers) खात्यावर वर्षाला टप्प्या टप्प्यानं  6000 रुपयांची आर्थिक मदत जमा केली जाते. दरम्यान आत्तापर्यंत पंतप्रधान किसान सन्मान निधी योजनेचे 18 हप्ते शेतकऱ्यांच्या खात्यात जमा झाले आहेत. दरम्यान, तुम्हाला हे माहित आहे का, की कोणत्या शेतकरी बांधवांना पंतप्रधान किसान सन्मान निधी योजनेचा लाभ मिळत नाही. जाणून घेऊयात याबाबतची सविस्तर माहिती. 

पंतप्रधान किसान सन्मान निधी योजनेअंतर्गत दरवर्षी करोडो शेतकऱ्यांना आर्थिक मदत दिली जाते. या योजनेंतर्गत, पात्र शेतकऱ्यांना वार्षिक 6000 रुपये तीन हप्त्यांमध्ये थेट त्यांच्या बँक खात्यात हस्तांतरित केले जातात. मात्र, काही कारणांमुळे अनेक शेतकऱ्यांच्या खात्यात हे पैसे येत नाहीत. अशा परिस्थितीत या योजनेचा लाभ कोणत्या शेतकऱ्यांना मिळणार नाही आणि या यादीत तुमचे नाव कसे तपासता येईल हे जाणून घेणे महत्त्वाचे आहे.

'या' शेतकऱ्यांना लाभ मिळणार नाही?

खासदार, आमदार, मंत्री किंवा नगरपालिकेचे अध्यक्ष असे कोणतेही घटनात्मक पद भूषविणाऱ्या शेतकऱ्यांना या योजनेचा लाभ मिळत नाही.

जे शेतकरी आयकर भरतात ते देखील या योजनेचा लाभ घेऊ शकत नाहीत.

कोणत्याही संस्थात्मक जमिनीचे धारक शेतकरी देखील या योजनेचा लाभ घेऊ शकत नाहीत.

यादीत तुमचे नाव कसे तपासायचे?

अधिकृत वेबसाइटवर जा – सर्वप्रथम पीएम किसान योजनेच्या अधिकृत वेबसाइट pmkisan.gov.in वर जा.

‘फार्मर्स कॉर्नर’ वर क्लिक करा – ‘फार्मर्स कॉर्नर’ हा पर्याय वेबसाइटच्या होम पेजवर उपलब्ध असेल. त्यावर क्लिक करा.

‘लाभार्थी स्थिती’ वर क्लिक करा – शेतकरी कॉर्नरमध्ये तुम्हाला ‘लाभार्थी स्थिती’ हा पर्याय दिसेल. यावर क्लिक केल्यानंतर तुम्हाला तुमचे राज्य, जिल्हा, उपजिल्हा, ब्लॉक आणि गाव निवडावे लागेल.

तुमचा आधार क्रमांक किंवा मोबाईल नंबर एंटर करा - यानंतर तुम्हाला तुमचा आधार क्रमांक किंवा मोबाईल नंबर टाकावा लागेल जो तुम्ही योजनेसाठी नोंदणीकृत आहे.

माहिती मिळवा - सबमिट बटणावर क्लिक केल्यानंतर, तुमची संपूर्ण माहिती स्क्रीनवर दिसेल. तुमचे नाव लाभार्थ्यांच्या यादीत आहे की नाही आणि तुमच्या हप्त्याची स्थिती काय आहे हे तुम्ही येथे पाहू शकता.

यादीत नाव नसल्यास काय करावे?

जर तुमचे नाव यादीत नसेल, तर तुम्ही योग्य माहितीसह अर्ज केल्याची खात्री करून घ्यावी. यासाठी तुम्ही तुमच्या जवळच्या कृषी कार्यालयाशी संपर्क साधू शकता किंवा 155261 या हेल्पलाइन क्रमांकावर फोन करून माहिती मिळवू शकता.

महत्वाच्या बातम्या: