एक्स्प्लोर

MSRTC NCMC Card : एसटी प्रवासात सवलतीचा लाभ घ्यायचाय, NCMC कार्ड बंधनकारक, कार्डसाठी किती रुपये लागणार? बीडमध्ये प्रवाशांचा मोठा प्रतिसाद

MSRTC NCMC Card : महाराष्ट्र राज्य मार्ग परिवहन मंडळ म्हणजेच एसटीनं विविध सवलतीचा लाभ घेणाऱ्या प्रवाशांसाठी एनसीएमसी कार्ड बंधनकारक केलं आहे.

By : विकास माने | Updated at : 26 Feb 2026 04:01 PM (IST)

MSRTC NCMC Card how to apply for card check details in marathi beed travelers gives good response MSRTC NCMC Card : एसटी प्रवासात सवलतीचा लाभ घ्यायचाय, NCMC कार्ड बंधनकारक, कार्डसाठी किती रुपये लागणार? बीडमध्ये प्रवाशांचा मोठा प्रतिसाद

एनसीएमसी कार्ड

Source : एबीपी माझा ग्राफिक्स टीम

बीड : एसटी महामंडळाच्या बसेस मध्ये पूर्वी आधार कार्ड दाखवले की जेष्ठ नागरिक, दिव्यांग, महिला आणि 35 प्रकारच्या विविध लाभार्थ्यांना एसटीच्या तिकिटात सवलत मिळायची. मात्र, आता आधार कार्ड वरील ही सवलत एक मार्च पासून बंद होणार आहे. त्या ऐवजी नॅशनल कॉमन मोबिलिटी कार्ड अनिवार्य करण्यात आहे.

राज्यात या कार्डसाठी नोंदणी सुरू असून बीड बस स्थानकात यासाठी प्रवाशांची झुंबड पाहायला मिळतेय. याचा लाभ घेण्यासाठी पहाटेच प्रवासी आगारात रांग लावून आहेत. बीडमध्ये उन्हाचा पारा वाढतोय अशातच मोठ्या संख्येने महिला उन्हात रांगेत आहे. त्यामुळे प्रवाशांसाठी एसटी महामंडळाने नियोजन करावे अशी मागणी प्रवाशांची आहे.

NCMC कार्ड कोणत्या सवलतीसाठी आवश्यक

महिला,ज्येष्ठ नागरिक,अमृत ज्येष्ठ नागरिक, दृष्टिहीन,दिव्यांग (शारीरिक अपंग),विद्यार्थी,इतर सर्व सवलती, सवलत नसलेले प्रवासी यांना नॅशनल कॉमन मोबिलिटी कार्ड काढावं लागेल. महिला, ज्येष्ठ नागरिक आणि अमृत ज्येष्ठ नागरिकांना आधार कार्ड जोडून एनसीएमसीसाठी अर्ज करता येईल. दृष्टिहीन,दिव्यांग (शारीरिक अपंग) यांना वैश्विक ओळखपत्र आवश्यक असेल. विद्यार्थ्यांना सरल क्रमांक, इतर सर्व सवलतीसाठी शासकीय प्रमाणपत्र तर सवलत नसलेल्या प्रवाशांना मोबाईल ओटीपी द्यावा लागेल. यानंतर त्यांना एनसीएमसी कार्ड मिळू शकेल.