Sensex : काय म्हणता! सेन्सेक्स डिसेंबर 2023पर्यंत 80,000 वर जाण्याचा अंदाज, मॉर्गन स्टेनलेचं भाकीत
मॉर्गन स्टॅन्लेच्या मते, इतर घटक हे सेन्सेक्सला 80,000 पर्यंत नेऊ शकतात, त्यात तेल आणि खत यांसारख्या वस्तूंच्या किमती झपाट्याने सुधारणे महत्त्वाचे ठरणार आहे.
Morgan Stanley prediction on Sensex : डिसेंबर 2023 पर्यंत मुंबई शेअर बाजाराचा निर्देशांक अर्थात सेन्सेक्स 80,000 पर्यंत पोहोचेल असं भाकीत परकीय ब्रोकरेज फर्म मॉर्गन स्टॅनलेने वर्तवलं आहे. जर भारताचा जागतिक बाँड निर्देशांकांमध्ये समावेश केला गेला तर त्यानंतरच्या 12 महिन्यांत $20 अब्जांचा ओघ होऊ शकतो अस स्टॅनलेचं म्हणणं आहे.
जागतिक रोखे निर्देशांकांमध्ये भारताचा समावेश आधीच मागे ढकलला गेला आहे. मॉर्गन स्टॅनलीने 2022 च्या सुरुवातीला याचा अंदाज लावला होता, परंतु सप्टेंबरमध्ये रॉयटर्सच्या अहवालात प्रतीक्षा जास्त काळ असू शकते असं म्हटलं गेलं होतं. वृत्तसंस्थेनुसार बॉण्ड सेटलमेंट नियम आणि करातील गुंतागुंत समाविष्ट होण्यापूर्वी सोडवणे आवश्यक आहे.
मॉर्गन स्टॅन्लेच्या मते, इतर घटक हे सेन्सेक्सला 80,000 पर्यंत नेऊ शकतात, त्यात तेल आणि खत यांसारख्या वस्तूंच्या किमती झपाट्याने सुधारणे महत्त्वाचे ठरणार आहे. आर्थिक वर्ष 2022-25 मध्ये वार्षिक 25 टक्के दराने वाढणारी कमाईचा समावेश आहे.
युक्रेन-रशिया संघर्षाचे परिणाम 2023 मध्ये उमटणार नाहीत आणि यूएस मंदीत अडकणार नाही असे गृहीत धरून सेन्सेक्ससाठी ब्रोकरेज फर्मचे बेस केस लक्ष्य 68,500 आहे. सरकारचे धोरण आश्वासक राहिले आणि आरबीआयने कॅलिब्रेटेड निर्गमन कार्यान्वित केले, तर हे साध्य होऊ शकतं अस यामध्ये म्हणण्यात आलं आहे..
जीडीपीमधील नफ्याचा वाटा पुढील चार वर्षांत त्याच्या सध्याच्या 4 टक्क्यांवरून 8 टक्क्यांपर्यंत दुप्पट होण्याची अपेक्षा करतात, हे सूचित करतात की ब्रॉड मार्केट कमाई दरवर्षी 20-25 टक्क्यांनी वाढू शकते असं मॉर्गन स्टॅन्लेचे इंडिया इक्विटी स्ट्रॅटेजिस्ट असलेले रिधम देसाई यांनी म्हटलं आहे.
दरम्यान, बेअर स्थितीमध्ये कमोडिटीच्या किमती उंचावल्या गेल्यास, आरबीआयने आक्रमकपणे कडक कारवाई केली. यूएस आणि युरोपमधील मंदी भारताच्या वाढीला खाली खेचल्यास सेन्सेक्स 52,000 पर्यंत खाली येईल असे फर्मला दिसते. परंतु मॉर्गन स्टॅन्लेच्या म्हणण्यानुसार याची शक्यता 20 टक्के आहे. अप-ट्रेंडिंग नफ्याचे चक्र, अल्प दरातील संभाव्य शिखर आणि 2022 च्या सापेक्ष जागतिक मॅक्रो जोखीम कमी करणे यामुळे भारतीय समभागांमध्ये पूर्णपणे वाढ झाल्याचे देसाई यांनी सुचित करत इक्विटी स्ट्रॅटेजी नोटमध्ये जोडले.
सध्या, 23.27 PE वर निफ्टीचे TTM मूल्यांकन 10 वर्षांच्या सरासरी PE पेक्षा 630 बेसिस पॉइंट्सने जास्त आहे. PE म्हणजे किंमत-ते-कमाई गुणोत्तर. 28 नोव्हेंबर रोजी सेन्सेक्स आणि निफ्टी दोन्ही विक्रमी उच्चांकी बंद झाले. सेन्सेक्स 182.21 अंकांनी वाढून 62,475.85 अंकांवर बंद झाला. तर निफ्टी 18,613.20 या उच्चांकाला स्पर्श केल्यानंतर 18,553.60 वर बंद झाला आहे.
Disclaimer : कोणत्याही गुंतवणुकीचे निर्णय घेण्यापूर्वी प्रमाणित तज्ज्ञांशी संपर्क साधावा.
महत्त्वाच्या बातम्या
