फक्त 411 रुपयांची बचत करा, 42 लाख रुपये मिळवा, काय आहे पोस्टाची भन्नाट योजना?
जर तुम्हाला पोस्ट ऑफिसमध्ये सुरक्षित गुंतवणूक करुन कमी वेळात चांगले उत्पन्न मिळवायचे असेल, तर सार्वजनिक भविष्य निर्वाह निधी (PPF) योजना तुमच्यासाठी एक उत्तम पर्याय असू शकते.
Post Office Scheme : तुम्हाला चांगला परतावा देणाऱ्या पोस्ट ऑफिसच्या विविध योजना (Post Office Scheme) आहे. जर तुम्हाला पोस्ट ऑफिसमध्ये सुरक्षित गुंतवणूक करुन कमी वेळात चांगले उत्पन्न मिळवायचे असेल, तर सार्वजनिक भविष्य निर्वाह निधी (PPF) योजना तुमच्यासाठी एक उत्तम पर्याय असू शकते. ही योजना विशेषतः त्यांच्यासाठी फायदेशीर आहे ज्यांना कमी गुंतवणुकीत मोठा निधी तयार करायचा आहे आणि कर वाचवायचा आहे.
411 रुपये जमा करुन 43 लाख रुपयांचा निधी मिळवा
पीपीएफ खाते 15 वर्षांसाठी उघडले जाते आणि सध्या त्यावर 7.9 टक्के वार्षिक व्याज मिळत आहे. या योजनेत तुम्ही दरवर्षी किमान 500 ते कमाल 1.5 लाख रुपये जमा करु शकता. जर तुम्ही दरमहा 12 हजार 500 रुपये म्हणजेच दररोज सुमारे 411 रुपये वाचवले तर एका वर्षात एकूण 1.5 लाख रुपये जमा होतील. 15 वर्षांनंतर तुम्हाला सुमारे 43.60 लाख रुपये मिळू शकतात. यातून सुमारे 21 लाख रुपये व्याज म्हणून मिळतील आणि विशेष म्हणजे ठेवीची रक्कम आणि व्याज दोन्हीवर कर आकारला जात नाही. ही कर सूट आयकर कलम 80 सी अंतर्गत उपलब्ध आहे.
100 टक्के पैसे सुरक्षित
ही योजना सरकारकडून पूर्णपणे समर्थित आहे, त्यामुळे तुमचे पैसे पूर्णपणे सुरक्षित आहेत. पीपीएफवरील व्याजदर बँक एफडीपेक्षाही जास्त आहे, त्यामुळे दीर्घकाळ गुंतवणूक करणाऱ्यांची ती पहिली पसंती मानली जाते. त्यात पैसे जमा करणे देखील खूप सोपे आहे. तुम्हाला हवे असल्यास, तुम्ही एकाच वेळी संपूर्ण पैसे जमा करू शकता किंवा तुम्ही 12 हप्त्यांमध्ये देखील गुंतवणूक करु शकता.
तुम्ही पीपीएफ खात्यावर कर्ज घेऊ शकता
गरज पडल्यास, तुम्ही पीपीएफ खात्यातून कर्ज देखील घेऊ शकता, जे खाते उघडल्यानंतर पहिल्या पाच वर्षांत उपलब्ध असते. ही सुविधा आपत्कालीन परिस्थितीत खूप उपयुक्त ठरते. पोस्ट ऑफिसने पीपीएफमध्ये ऑनलाइन पैसे जमा करण्याची सुविधा देखील प्रदान केली आहे. इंडिया पोस्ट पेमेंट्स बँक (आयपीपीबी) किंवा डाकपे अॅपच्या मदतीने तुम्ही तुमच्या बँक खात्यातून पीपीएफ खात्यात पैसे सहजपणे ट्रान्सफर करू शकता. यासाठी तुम्हाला तुमचे IPPB खाते तुमच्या बँक खात्याशी लिंक करावे लागेल. त्यानंतर तुम्हाला अॅपमध्ये PPF पर्याय निवडावा लागेल आणि खाते क्रमांक आणि ग्राहक आयडी टाकावा लागेल.
जर तुम्हाला तुमची बचत सुरक्षित हवी असेल आणि भविष्यात मोठा निधी निर्माण करायचा असेल, तर पोस्ट ऑफिसची ही योजना तुमच्यासाठी एक उत्तम संधी आहे. कर बचत, सुरक्षित गुंतवणूक आणि चांगला परतावा - हे तिन्ही फायदे PPF मध्ये एकत्रितपणे उपलब्ध आहेत.
महत्त्वाच्या बातम्या
