निर्यातीत भारतानं केला नवा विक्रम, दर मिनिटाला 15 कोटी रुपयांची निर्यात, सरकारकडून आकडेवारी जाहीर
शेअर बाजार आणि रुपयामध्ये तेजी असतानाच, निर्यातीच्या आघाडीवरही चांगली बातमी समोर येत आहे. 2026 या आर्थिक वर्षात भारताने निर्यातीत लक्षणीय झेप घेतली आहे.
Indias Exports News : शेअर बाजार आणि रुपयामध्ये तेजी असतानाच, निर्यातीच्या आघाडीवरही चांगली बातमी समोर येत आहे. 2026 या आर्थिक वर्षात भारताने निर्यातीत (Indias Exports) लक्षणीय झेप घेतली आहे. विशेष म्हणजे, गेल्या आर्थिक वर्षात भारताने प्रत्येक मिनिटाला 15 कोटी रुपयांपेक्षा जास्त किमतीच्या वस्तूंची निर्यात केली. सरकारने आज निर्यात आणि आयातीची आकडेवारी जाहीर केली, ज्यातून विविध प्रकारची माहिती समोर आली आहे. सरकारने नेमकी कोणत्या प्रकारची आकडेवारी जाहीर केली आहे, याबाबत माहिती पाहुयात.
निर्यातीने विक्रम नोंदवला
वाणिज्य मंत्रालयाच्या सुधारित आकडेवारीनुसार, जागतिक आर्थिक अनिश्चितता असूनही, देशाची वस्तू आणि सेवांची निर्यात 2024-25 मधील 825.26अब्ज डॉलर्सवरून 4.6 टक्क्यांनी वाढून 2025-26 मध्ये 863.11 अब्ज डॉलर्स किंवा 81.42 लाख कोटी रुपयांच्या विक्रमी उच्चांकावर पोहोचली आहे. याचा अर्थ, गेल्या आर्थिक वर्षात सरकारने दररोज 22325 कोटी रुपयांपेक्षा जास्त किमतीच्या वस्तू जगाला निर्यात केल्या. दर 24 तासांनी देशाने 930 कोटी रुपयांपेक्षा जास्त किमतीच्या वस्तू निर्यात केल्या. प्रत्येक मिनिटाला सरकारने इतर देशांना 155 दशलक्ष रुपयांपेक्षा जास्त किमतीच्या वस्तू निर्यात केल्या. आकडेवारीनुसार, गेल्या आर्थिक वर्षात वस्तूंची निर्यात 2024-25 मधील 437.70 अब्ज डॉलर्सवरून 0.93 टक्क्यांनी वाढून 441.78 अब्ज डॉलर्सवर पोहोचली.
सेवा निर्यातीत सर्वाधिक वाढ
एका अधिकाऱ्याने दिलेल्या माहितीनुसार, जागतिक अनिश्चितता आणि वस्तूंच्या व्यापारातील आव्हाने असूनही, भारताच्या वस्तूंच्या निर्यातीने आपली वाढती गती कायम ठेवली आहे. एकूण निर्यात बास्केटमध्ये महत्त्वपूर्ण योगदान दिले आहे. सेवा निर्यातीने सर्वोत्तम कामगिरी केली, जी 2024-25 मधील 387.55 अब्ज डॉलरच्या तुलनेत 8.71 टक्के वाढ नोंदवत 2025-26 मध्ये 421.32 अब्ज डॉलरच्या विक्रमी उच्चांकावर पोहोचली. ही जलद वाढ आयटी, व्यवसाय उपाययोजना आणि व्यावसायिक कौशल्य यांसारख्या सेवांसाठी वाढती जागतिक मागणी अधोरेखित करते आणि सेवा क्षेत्रात देशाची ताकद आणखी मजबूत करते.
एकूण निर्यातीमध्ये सेवांच्या निर्यातीने महत्त्वपूर्ण योगदान
जागतिक अनिश्चितता आणि वस्तूंच्या व्यापारातील आव्हाने असूनही, भारताच्या वस्तू निर्यातीने आपली वाढीची गती कायम राखली असून, एकूण निर्यातीमध्ये सेवांच्या निर्यातीने महत्त्वपूर्ण योगदान दिले, असे वाणिज्य मंत्रालयाच्या अधिकाऱ्याने ही आकडेवारी जाहीर करताना सांगितले. सेवा निर्यातीतील मोठी वाढ माहिती-तंत्रज्ञान (आयटी), वाणिज्य उपाययोजना आणि व्यावसायिक कौशल्ये यांसारख्या सेवांना असलेली जागतिक मागणी वाढत असल्याचे अधोरेखित करते, असेही त्या अधिकाऱ्याने पुढे नमूद केले.
महत्वाच्या बातम्या:
JNPA निर्णयामुळे निर्यातदारांना दिलासा; अडकलेल्या फळे-भाजीपाला कंटेनरवरील साठवण शुल्क माफ
महत्त्वाच्या बातम्या
