Gold Silver Rates Today: सोन्याच्या दरात पुन्हा पडझड; आजचा 24 कॅरेटचा भाव किती? सोने-चांदी का स्वस्त होतंय?

विविध देशांच्या मध्यवर्ती बँकांच्या व्याजदर धोरणांमुळे सोन्याच्या दरात सातत्याने अस्थिरता दिसून येत आहे.

Gold Silver Rates

Source : ABPLIVE AI

Gold Silver Rates Today:  सोन्या चांदीच्या बाजारावर सध्या जागतिक आर्थिक आणि भू-राजकीय घडामोडींचा मोठा परिणाम होताना दिसतोय. कच्च्या तेलाच्या किमतीतील चढ-उतार, महागाईची चिंता, अमेरिकन डॉलरच्या होणाऱ्या हालचाली आणि विविध देशांच्या मध्यवर्ती बँकांच्या व्याजदर धोरणांमुळे सोन्याच्या दरात सातत्याने अस्थिरता दिसून येत आहे. गेल्या काही दिवसांपासून सोन्या चांदीच्या किमतीत घसरणीचा ट्रेंड कायम दिसतोय. (Gold Silver Rates)

सोन्या-चांदीचे आजचे दर किती ?

बुलियन्स असोसिएशनच्या ताज्या दरानुसार, आज ( 24 जुलै) सोन्याच्या दरात पुन्हा एकदा घसरण झाली असून 24 कॅरेट सोन्याचा प्रति 10 ग्रॅम दर 1 लाख 43 हजार 410 रुपयांवर स्थिरावलाय. 22 कॅरेट सोन्यासाठी सोने खरेदीदारांना आज 1 लाख 31 हजार 459 रुपये द्यावे लागतील. चांदीचा किलोमागे दर 2 लाख 22 हजार 80 रुपये आहे.

सोन्या चांदीच्या किमतींमध्ये घसरण कशामुळे?

• मध्यपूर्वेतील वाढत्या भूराजकीय तणावामुळे महागाईची चिंता वाढली आहे. तसेच अमेरिकेच्या कठोर चलनविषयक धोरणांमुळे सुरक्षित गुंतवणुकीकडे गुंतवणूकदारांचा कल वाढत आहे. 
• व्याजदर वाढण्याची शक्यता असल्याने गुंतवणूकदारांनी सोन्यातील गुंतवणूक कमी करण्यास सुरुवात केली. अनेकांनी नफा मिळताच सोन्याची विक्री केली. त्यामुळे सोन्याच्या दरावर दबाव आला. याचाच परिणाम चांदीच्या किमतींवरही झाला आणि तिचे दरही घसरले.
• इराणवरील अमेरिकेच्या सुरू असलेल्या हल्ल्यांमुळे आणि त्यानंतर होणाऱ्या चर्चांमुळे आखाती देशांच्या ऊर्जापुरवठ्यात दीर्घकाळ व्यत्यय येण्याची चिंता वाढली आहे. परिणामी कच्च्या तेलाच्या किमतींवरही परिणाम होतेय.
• आंतरराष्ट्रीय बाजारातील दर तसेच देशांतर्गत सराफा बाजारातील भाव, तज्ञांच्या मते जागतिक आर्थिक घडामोडी यांचा एकत्रित परिणाम सध्या सोने-चांदीच्या बाजारावर होतोय.  महागाई व्याजदर कच्च्या तेलाच्या किमती आणि भूराजकीय तणाव याचा सोन्या-चांदीच्या दरांवर पुढील काही काळातही प्रभाव राहण्याची शक्यता व्यक्त केली जात आहे.

22 आणि 24 कॅरेट सोनं म्हणजे नेमकं काय?

वजन मोजण्यासाठी किलो हे एकक आहे. पाणी मोजण्यासाठी लीटर या एककाचा वापर केला जातो. त्याच पद्धतीने सोन्याची शुद्धता मोजायची असेल तर कॅरेट या एककाचा वापर केला जातो. जेव्हे कॅरेट जास्त तेवढेच सोने शुद्ध असे मानले जाते. 24 कॅरेट सोने हे सर्वांत शुद्ध असल्याचे बोलले जाते. 24 कॅरेट सोनेच्या शुद्धता ही 99.9 टक्के असते. त्यामुळे या सोन्याचा भावही इतर सोन्याच्या तुलनेत अधिक असतो. 24, 22, 18, 14  अशा वेगवेगळ्या प्रकारचे सोने असते. 24 कॅरेट सोने वगळता इतर सर्व प्रकारच्या सोन्यात तांबे, चांदी असे इतर धातू मिसळले जातात. सोन्याच्या आभूषणांना मजबुती यावी म्हणून हे धातू सोन्यात मिसळले जातात. सोन्याची गुववत्ता ही बीआयएस या संस्थेतर्फे ठरली जाते. त्यामुळे हॉलमार्क असलेले सोनेच खरेदी करायला हवे, असा सल्ला दिला जातो.