(Source: ECI/ABP News/ABP Majha)
GST Collection : सणासुदीच्या काळात सरकारच्या तिजोरीत भर, GST संकलनात मोठी वाढ
सरकारच्या तिजोरीत मोठी वाढ झाली आहे. ऑक्टोबर महिन्यात झालेलं कर संकलन हे विक्रमी आहे.
GST Collection : सध्या सणासुदीचा हंगाम सुरु आहे. या हंगामात सरकारच्या तिजोरीत मोठी वाढ झाली आहे. ऑक्टोबर महिन्यात झालेलं कर संकलन हे विक्रमी आहे. ऑक्टोबर 2023 मध्ये एकूण जीएसटी संकलन 1.72 लाख कोटी रुपये झाले आहे. 1 जुलै 2017 रोजी GST लागू झाल्यानंतर ऑक्टोबर 2023 मधील GST संकलनाची ही दुसरी सर्वोच्च पातळी आहे.
दरम्यान, गेल्या वर्षी ऑक्टोबर 2022 च्या तुलनेत GST संकलनात 13 टक्के वाढ झाली आहे. 1 जुलै 2017 रोजी GST लागू झाल्यानंतर ऑक्टोबर 2023 मध्ये झालेले GST संकलन ही दुसरी सर्वोच्च पातळी आहे. अर्थ मंत्रालयाने ऑक्टोबर 2023 साठी जीएसटी संकलन डेटा जारी केला आहे. त्यानुसार ऑक्टोबरमध्ये 1,72,003 कोटी रुपयांचा जीएसटी जमा झाला आहे. यामध्ये 30,062 कोटी रुपये CGST, 38,171 कोटी रुपये SGST, 91,315 कोटी रुपये IGST आणि 12,456 कोटी रुपये सेसद्वारे जमा झाले आहेत.
वित्त मंत्रालयाच्या म्हणण्यानुसार, 2023-24 या आर्थिक वर्षात सरासरी GST संकलन 1.66 लाख कोटी रुपये आहे. जे 11 टक्के अधिक आहे. त्याचवेळी, गेल्या वर्षी ऑक्टोबर महिन्याच्या तुलनेत या ऑक्टोबरमध्ये जीएसटी संकलन 13 टक्के अधिक आहे. देशांतर्गत व्यवहारातून मिळणाऱ्या महसुलात 13 टक्के वाढ झाली आहे. सरकारने CGST मध्ये 42,873 कोटी रुपये तर IGST मध्ये 36,614 कोटी रुपये SGST म्हणून सेटल केले आहेत. ऑक्टोबर महिन्यात केंद्र सरकारला CGST मधून 72,934 कोटी रुपये, तर राज्यांना 74,785 कोटी रुपये SGST मधून मिळाले.
महत्त्वाच्या बातम्या
ट्रेंडिंग न्यूज
