सोन्या चांदीला पुन्हा झळाळी, सलग दुसऱ्या दिवशी दरात झाली वाढ, 10 ग्रॅम सोन्यासाठी किती द्यावे लागतात पैसे?
देशात सध्या लग्नसराईचा हंगाम सुरु आहे. या काळात सोन्या-चांदीची (Gold Silver) मोठी खरेदी होते. मात्र, सध्या सोन्या चांदीच्या दरात (Gold Silver Price) मोठी वाढ झाल्याचे चित्र दिसत आहे.
Gold Silver Price: देशात सध्या लग्नसराईचा हंगाम सुरु आहे. या काळात सोन्या-चांदीची (Gold Silver) मोठी खरेदी होते. मात्र, सध्या सोन्या चांदीच्या दरात (Gold Silver Price) मोठी वाढ झाल्याचे चित्र दिसत आहे. आंतरराष्ट्रीय बाजारातील वाढीमुळं देशांतर्गत बाजारात देखील सोन्या-चांदीच्या दरात वाढ सुरु आहे. जाणून घेऊयात सोन्या चांदीच्या दराबाबत सविस्तर माहिती.
आंतरराष्ट्रीय बाजारात चांदीच्या दरात वाढ
एमसीएक्सवर चांदीची किंमत सध्या 91329 रुपये प्रति किलो आहे. ती पुन्हा उच्च पातळीवर जाऊ लागली आहे. मल्टी कमोडिटी एक्सचेंजवर चांदीच्या मार्च फ्युचर्सने 1.32 टक्क्यांची वाढ दर्शवत 1200 रुपयांची (रु. 1194) झेप घेतली आहे. सकाळी चांदीचा व्यवहार 1000 रुपयांहून अधिक वाढीसह सुरू झाला. आंतरराष्ट्रीय बाजारात चांदीच्या किमती वाढत आहेत आणि त्यामुळे सराफा बाजार असो की कमोडिटी मार्केट, देशांतर्गत बाजारातही चांदीला जोर मिळत आहे.
सोन्याच्या दरातही वाढ
सोन्याच्या दरातील वाढीचा कल कायम असून तो 77 हजार रुपयांच्या पुढे गेला आहे. MCX वर सोन्याचा दर हा 77130 रुपये प्रति 10 ग्रॅम आहे. पुन्हा एकदा सोन्याच्या सार्वकालिक उच्चांकाकडे वाटचाल होताना दिसत आहे.
आंतरराष्ट्रीय बाजारात सोन्या-चांदीची किंमत
आंतरराष्ट्रीय बाजारातही सोन्या-चांदीच्या दरात मोठी वाढ होताना दिसत आहे. आंतरराष्ट्रीय बाजारात सोन्याच्या दरात 0.98 टक्क्यांची वाढ झाली आहे. तर चांदीच्या दरात 1.62 टक्क्यांनी वाढ झाली आहे.
सोन्या चांदीचे दर वाढण्याचे कारण काय?
सोन्या चांदीच्या दरात सातत्याने वाढ होत असल्याचं चित्र पाहायला मिळत आहे. तज्ज्ञांच्या मते औद्योगिक मागणीत वाढ, चीनचे आर्थिक मदत पॅकेज, यूएस फेडरल रिझर्व्हने व्याजदरात कपात केल्याने सोन्या चांदीच्या दरात वाढ होत असल्याचं पाहायला मिळत आहे. मोतीलाल ओसवाल फायनान्शिअल सर्व्हिसेसच्या मते, मध्यम ते दीर्घ मुदतीसाठी सोन्यामध्ये आणि चांदीमध्य केलेली गुंतवणूक जास्त परतावा देऊ शकते. त्यामुळं लोकांचा मोठ्या प्रमाणा सोन्या चांदीमध्ये गुंतवणूक करण्याकडे कल आहे. 12 ते 15 महिन्यांत, चांदी MCX वर 1.25 लाख रुपये प्रति किलो जाण्याची शक्यता आहे. गेल्या काही दिवसापासून सोन्या चांदीच्या दरात सातत्यानं वाढ होत आहे. या वाढीमुळं सर्वसामान्यांच्या खिशाला चांगलीच झळ सोसावी लागत आहे. अशातच पुन्हा चांदीच्या दरात वाढ होण्याची शक्यता असल्यानं सामान्य लोकांना चांदीची खरेदी करणं परवडणार नाही.
महत्वाच्या बातम्या:
चांदीला झळाळी येणार! प्रति किलो चांदी 1 लाख 25 हजार रुपयापर्यंत जाणार, सध्या चांदीची दर काय?
Before You Go
Ladki Bahin Yojana Beneficiary List Check : लाडकी बहीण योजनेतून तुमचं नाव हटवलं तर नाही ना? चेक करा!
महत्त्वाच्या बातम्या
