Aadhaar : आधार अपडेट करण्याची मुदत पुन्हा वाढवली, पुढच्या वर्षी 'या' तारखेपर्यंत करू शकता मोफत अपडेट
Free Aadhaar Update : आधार कार्डवरील माहिती अपडेट करण्याची मुदत आता तीन महिन्यांनी वाढवण्यात आली असून ऑनलाईन पद्धतीने निशुल्क आधार अपडेट करता येणार आहे.
Aadhaar Update News : ज्यांना आधार कार्ड अपडेट करायचं आहे त्यांच्यासाठी एक महत्त्वाची बातमी आहे. युनिक आयडेंटिफिकेशन ऑथॉरिटीने आधार कार्ड मोफत अपडेट करण्याची मुदत पुन्हा एकदा वाढवली आहे. मोफत आधार अपडेट करण्याची अंतिम मुदत 14 डिसेंबर रोजी संपत होती. ती आता 14 मार्चपर्यंत वाढवण्यात आल्याचं जाहीर करण्यात आलं आहे.
आधार प्राधिकरण UIDAI ने अधिकृत अपडेटमध्ये मुदत वाढवण्याची माहिती दिली. प्राधिकरणाने सांगितले की, नागरिकांकडून मिळालेला सकारात्मक प्रतिसाद पाहता आधार अपडेटची मुदत वाढवण्याचा निर्णय घेण्यात आला आहे. आता 14 मार्च 2024 पर्यंत कोणतेही शुल्क न भरता My Aadhaar पोर्टलद्वारे आधार अपडेट केले जाऊ शकतात. प्राधिकरणाने सांगितले की 15 डिसेंबर 2023 पासून पुढील 3 महिन्यांसाठी म्हणजे 14 मार्च 2024 पर्यंत मुदत वाढवण्याचा निर्णय घेण्यात आला आहे.
ऑफलाईन अपडेटसाठी इतके शुल्क आकारले जाते
माय आधार पोर्टलवर आधार तपशील अपडेट करण्याची मोफत सुविधा उपलब्ध होती. जर एखाद्या वापरकर्त्याने ऑनलाीन ऐवजी आधार केंद्रावर जाऊन आधार ऑफलाईन अपडेट केला तर त्याला 25 रुपये शुल्क भरावे लागेल. आता मुदत वाढवून दिल्यावरही तीच व्यवस्था कायम राहणार आहे. म्हणजेच मोफत आधार अपडेटची सुविधा फक्त ऑनलाइन बाबतीतच उपलब्ध होईल.
या प्रकरणांमध्ये आधार अपडेट करणे आवश्यक आहे
यासाठी वापरकर्त्याला myAadhaar पोर्टल म्हणजेच https://myaadhaar.uidai.gov.in/ ला भेट द्यावी लागेल. अनेक प्रकरणांमध्ये आधार तपशील अपडेट करणे आवश्यक आहे. उदाहरणार्थ, जर तुमचा पत्ता बदलला असेल तर तो अपडेट केला पाहिजे. आधार प्राधिकरण त्या वापरकर्त्यांना त्यांचे आधार अपडेट करण्यास सांगत आहे, ज्यांच्यासाठी युनिक आयडेंटिटी तयार होऊन 10 वर्षांहून अधिक काळ लोटला आहे.
आधार ऑनलाइन अपडेट करण्याची प्रक्रिया:
- आधार पोर्टलला भेट द्या.
- लॉग इन केल्यानंतर, नाव/लिंग/जन्म तारीख आणि पत्ता अपडेट वर क्लिक करा.
- Update Aadhaar Online वर क्लिक करा.
- कोणताही पत्ता/नाव/लिंग अद्यतनित करणे आवश्यक आहे, ते निवडा आणि पुढे जा.
- अद्ययावत पुराव्याची प्रत अपलोड करा.
- अद्याप कोणतेही पैसे भरावे लागणार नाहीत. 14 मार्चनंतर 25 रुपये भरावे लागतील.
- पेमेंट पर्याय पूर्ण होताच, एक नवीन पृष्ठ उघडेल, जिथे तुम्हाला संदर्भ क्रमांक मिळेल.
ही बातमी वाचा:
महत्त्वाच्या बातम्या
