EPFO: ईपीएफओच्या वेबसाईटच्या अपग्रेडेशनचं काम कधीपर्यंत चालणार? वेबसाईट कधी सुरु होणार? तिसऱ्यांदा मुदतवाढ, नवी अपडेट समोर
EPFO:ईपीएफओच्या वेबसाईटला पूर्ववत होण्यासाठी आणखी वेळ लागणार आहे. 3 जुलै रोजी ईपीएफओच्या सेवा सुरु होणार असल्याचं सांगण्यात आलं आहे.
नवी दिल्ली: एम्पलॉईज प्रॉविडंट फंड ऑर्गनायझेशनचं पोर्टल सात दिवसांपासून बंद आहे. ईपीएफओकडून पोर्टल सुरु कधी होणार यासंदर्भातील माहिती देण्यात आली आहे. 3 जुलै रोजी मध्यरात्री पोर्टल सुरु होईल, अशी माहिती देण्यात आली आहे. ईपीएफओकडून दिल्या जाणाऱ्या सेवा गेल्या 7 दिवसांपासून बंद आहेत. क्लेम करण्याची सुविधा बंद आहे. याशिवाय ई-पासबूक आणि यूएएन पोर्टल बंद आहे.
EPFO पोर्टल कधी सुरु होणार?
ईपीएफओनं 26 जून ते 29 जून या दरम्यान रोजी सिस्टीम मायग्रेशनसाठी वेबसाईट बंद राहील असं सांगितलं होतं. डेटाबेस कन्सोलिडेशन आणि सॉफ्टवेअर अॅप्लिकेशन्सच्या अपडेशनचं काम हाती घेण्यात आलं होतं. ईपीएफओच्या अपेक्षेनुसार हे काम 28 जून रोजी पूर्ण होणं आवश्यक होतं. मात्र, 29 जूनपर्यंत काम पूर्ण न झाल्यानं 1 जुलै पर्यंत मुदत वाढवण्यात आली. यानंतर त्याला एक दिवसाची मुदतवाढ दिली गेली. 2 जुलै रोजी ईपीएफओची वेबसाईट आणि इतर सेवा पूर्ववरत होतील, असं सांगितलं गेलं. मात्र, या वेळेत देखील काम पूर्ण न झाल्यानं 3 जुलैची तारीख सांगण्यात आली आहे.
ईपीएफओनं जारी केलेल्या नोटीसनुसार सिस्टीम अपग्रेड सध्या सुरु आहे. मेंबर सर्व्हिसेस आणि नियोक्ता (एम्पलॉयस) सेवा 3 जुलै रोजी सुरु होती, तसदीबद्दल खेद आहे, असं सांगण्यात आलं आहे. वेबसाईटचं मायग्रेशन पूर्ण होईपर्यंत मेंबर इंटरफेस आणि एम्पलॉयर इंटरफेसवर लॉगीन करता येणार नाही, असं देखील ईपीएफओकडून सांगण्यात आलं आहे.
आता ईपीएफओची वेबसाईट आणि सेवा पूर्ववत होण्यास अजून वेळ लागणार असल्यानं तोपर्यंत पीएफचे पैसे काढण्यासाठी क्लेम दाखल करणे, पासबुक डाऊनलोड करणे, क्लेम स्टेटस ट्रॅक करणे, ऑनलाईन ट्रान्सफर रिक्वेस्ट या सेवा वेबसाईट पुन्हा सुरु होईपर्यंत वापरता येणार नाही.
ईपीएफओ पोर्टल बंद असल्यानं एम्लॉयरला देखील समस्यांचा सामना करावा लागत आहे. कम्प्लायन्स रिलेटेड टास्क पूर्ण करण्यात त्यांना अडचणी येत नाहेत.
ईपीएफओच्या ताज्या अपडेटनुसार खातेदार आणि नियोक्ता यांच्या सेवा 3 जुलै मध्य रात्री 12 म्हणजेच 00:00 वाजता सुरु होतील. तोपर्यंत सिस्टीम अपग्रेड पूर्ण होणं अपेक्षित आहे.
EPFO System Upgrade in Progress
— EPFO (@officialepfo) July 2, 2026
Just a Little Wait for a Better Digital EPFO Experience.
Member and Employer services will resume on 3 July 2026 | 00:00 Hrs.
We deeply regret inconvenience caused and appreciate your patience. pic.twitter.com/L1gnytM64w
दरम्यान, ईपीएफओ 3.0 प्रणाली सुरु झाल्यानंतर पीएफ खातेदारांना एटीएम सेंटरमधून पीएफ खात्यातील रक्कम काढण्याची सुविधा देखील उपलब्ध करुन दिली जाणार आहे. मात्र, पीएफ खात्यातून एटीएम कार्ड अथवा यूपीआयद्वारे पैसे काढायचे असल्यास त्यासाठी रकमेची मर्यादा घातलेली असेल. ईपीएफओ 3.0 कधी सुुर होणार याकडे देखील लक्ष लागलं आहे.
महत्त्वाच्या बातम्या
