EPFO : पीएफ खात्यातील पैसे ATM मधून कधीपासून काढता येणार? पीएफ खातेदारांसाठी गुड न्यूज, नवी अपडेट समोर
EPFO : पीएफमधून पैसे काढण्यासंदर्भात नवी सुविधा लवकरच सुरु होणार आहे. ईपीएफओ खात्यातून यूपीआय आणि एटीएमद्वारे पैसे काढण्याची सुविधा सुरु करण्यात येणार आहे.
EPFO नवी दिल्ली : देशभरातील कोट्यवधी पीएफ खातेदारांसाठी महत्त्वाची अपडेट आहे. एटीएम आणि यूपीआय खात्यातून पैसे काढण्यासाठीची सुविधा सुरु होण्यासंदर्भात नवी अपडेट समोर आली आहे. रिपोर्टनुसार पीएफ खातेदारांना एटीएम आणि यूपीआयद्वारे पैसे पीएफ खात्यातून काढता येतील. ही सुविधा मे 2026 च्या अखेरपासून सुरु होण्याची शक्यता आहे.
पीएफ खात्यातील रक्कम ATM मधून कधीपासून काढता येणार?
ईटी नॉऊच्या रिपोर्टनुसार ही सुविधा ईपीएफओ 3.0 अपडेटचा भाग आहे. याचा उद्देश कर्मचारी भविष्य निधी संघटनेच्या डिजीटल यंत्रणेला अद्ययावत करणे आणि पीएफची प्रक्रिया वेगवान करण्याचा भाग आहे. नव्या सिस्टीमनुसार ईपीएफओकडून नव्यानं एटीएम कार्ड जारी केलं जाऊ शकतं. यूजर्स कोणत्याही कागदपत्रांशिवा पीएफ खात्यातून पैसे काढू शकतात. ईपीएफओ 3.0 प्रक्रिया 2026 च्या मध्यापर्यंत पूर्ण होऊ शकते. त्यानंतर क्लेम सेटलमेंट, खाते ट्रान्सफर आणि चांगल्या डिजीटल सेवा मिळतील.
रिपोर्टनुसार एटीएम आणि यूपीआयद्वारे पीएफ खात्यातून पैसे काढायचे असल्यास पीएफ खात्यात शिल्लक असलेल्या रकमेपैकी 50 टक्के रक्कम काढता येईल. या सुविधेचा लाभ घेण्यासाठी आधार कार्ड, पॅन कार्ड, बँक खाते डिटेल्स, आयएफएससी कोडशी लिंक असलेला यूएएन क्रमांक आवश्यक आहे.
ईपीएफओनं आर्थिक वर्ष 2026 मध्ये 8.31 कोटी क्लेम सेटल केले आहेत. 2025 च्या तुलनेत 2025-26 मध्ये ईपीएफओनं मोठ्या संख्येनं पीएफ क्लेम मंजूर करण्यात आले आहेत. ईपीएएफओ 3.0 नुसार अनेक सुधारणा करण्यात येणार आहेत. ज्यात यूपीआय बेस्ड पीएफ काढणे, ईपीएफ सदस्यांना डिजीटल पेमेंट प्लॅटफॉर्मच्या माध्यमातून पीएफचे पैसे काढण्यास मंजुरी मिळेल. नव्या अपडेशननंतर ईपीएफओ कार्यालयात जाण्याची गरज पीएफ खातेदारांना राहणार नाही. अद्याप सरकारकडून ईपीएफओ 3.0 लाँच करण्याची तारीख जाहीर करण्यात आलेली नाही.
ईपीएफओकडून गेल्या काही दिवसांपासून पीएफ खात्यातून रक्कम काढण्याची प्रक्रिया सोपी करण्यात आली आहे. पीएफ खात्यातून काही रक्कम काढायची असल्यास चेक अपलोड करण्याची प्रक्रिया बंद करण्यात आली आहे. याशिवाय क्लेम मंजूर करण्यासाठी ऑटो अप्रूव्हल प्रक्रिया सुरु करण्यात आली आहे. यामुळं क्लेम मंजूर होण्यासाठी लागणारा वेळ यामुळं कमी झाला आहे.
महत्त्वाच्या बातम्या
