Silver import: चांदीची मागणी वाढली, यावर्षी देशात 7000 टन चांदीची आयात होणार
दिवसेंदिवस चांदीच्या मागणीत वाढ (Increase in demand for silver) होत असल्याचं चित्र पाहायला मिळत आहे. त्यामुळं यावर्षी चांदीची आयात दुप्पट होण्याची शक्यता आहे.
Silver import News : दिवसेंदिवस चांदीच्या मागणीत वाढ (Increase in demand for silver) होत असल्याचं चित्र पाहायला मिळत आहे. त्यामुळं यावर्षी चांदीची आयात दुप्पट होण्याची शक्यता आहे. मिळालेल्या माहितीनुसार, 2024 मध्ये भारतातील (India) चांदीची आयात 6,500 ते 7000 टनांपर्यंत वाढू शकते, ज्यामुळे जागतिक किमती देखील वाढण्याची शक्यता आहे.
चांदी चांगला परतावा देणार, गुंतवणूकदारांना विश्वास
एका प्रमुख चांदी आयातदाराने दिलेल्या माहितीनुसार, भारतात चांदीची आयात यावर्षी जवळपास दुप्पट होणार आहे. हे सौर पॅनेल आणि इलेक्ट्रॉनिक्स उत्पादकांकडून वाढत्या मागणीमुळे होत आहे. तसेच, सोन्यापेक्षा चांदी चांगला परतावा देईल, असा विश्वास गुंतवणूकदारांना वाटत आहे. जगातील सर्वात मोठ्या चांदीच्या ग्राहकाने केलेल्या उच्च आयातीमुळं जागतिक चांदीच्या किमतींना आणखी आधार मिळू शकेल, जे सध्या एका दशकापेक्षा जास्त काळातील सर्वोच्च पातळीच्या जवळ आहेत. गेल्या वर्षी भारताने 3,625 टन चांदीची आयात केली होती. मात्र, यावर्षी औद्योगिक मागणी वाढल्याने यावर्षी चांदीची खरेदी 6,500 ते 7,000 टन दरम्यान होऊ शकते.
गुंतवणुकीसाठी चांदीची खरेदी
2024 च्या पहिल्या सहामाहीत भारताची चांदीची आयात एका वर्षापूर्वी 560 टनांवरून वाढून 4,554 टन झाली आहे. चांदीच्या दागिन्यांना पारंपरिक मागणी आहे. आता लोक गुंतवणुकीसाठीही खरेदी करत आहेत. कारण ड्युटी कमी झाल्यामुळे चांदी स्वस्त झाली आहे.
महत्त्वाच्या बातम्या
ट्रेंडिंग न्यूज
