मार्च महिन्यातच पूर्ण करा 'ही' 5 महत्वाची कामे, अंतिम तारीख किती?

मार्च महिना सुरू झाला आहे. त्यामुळं लवकरच 2023-24 आर्थिक वर्ष संपणार आहे. नवीन आर्थिक वर्ष सुरू होण्यापूर्वी अशी अनेक कामे आहेत, की ज्यांची मुदत संपणार आहे.

finance deadlines

Financial Deadlines: मार्च महिना सुरू झाला आहे. त्यामुळं लवकरच 2023-24 आर्थिक वर्ष संपणार आहे. नवीन आर्थिक वर्ष सुरू होण्यापूर्वी अशी अनेक कामे आहेत, की ज्यांची मुदत संपणार आहे. यामध्ये मोफत आधार कार्ड अपडेट करण्याच्या अंतिम मुदतीपासून ते कर सवलतीसाठी गुंतवणूक करणे, विशेष एफडी योजनांमध्ये गुंतवणूक करणे इत्यादी अनेक कामांचा समावेश आहे. जाणून घेऊयात 31 मार्चपूर्वी नेमकी काय काय कामे करावी लागणार आहेत. 

1)  मोफत आधार अपडेट करण्याची अंतिम मुदत

जर तुम्ही बऱ्याच काळापासून आधार अपडेट केले नसेल, तर तुमच्याकडे आधार अपडेट करण्याची शेवटची संधी आहे. UIDAI ने त्याची अंतिम मुदत 14 मार्च निश्चित केली आहे. तुम्ही तुमचे नाव, पत्ता, मोबाईल नंबर इत्यादी मोफत अपडेट करू शकता.

2) SBI ची विशेष FD योजना

SBI ने आपल्या ग्राहकांसाठी 400 दिवसांची विशेष FD योजना अमृत कलश लाँच केली आहे. ही योजना 12 एप्रिल 2023 रोजी सुरु करण्यात आली होती, ज्या अंतर्गत सर्वसामान्य नागरिकांना 7.10 टक्के व्याजदराचा लाभ मिळत आहे. तर ज्येष्ठ नागरिकांना 7.60 टक्के व्याजदराचा लाभ मिळत आहे. या विशेष एफडीची अंतिम मुदत 31 मार्च 2024 रोजी संपत आहे.

3) SBI गृहकर्ज दर

SBI ने आपल्या ग्राहकांसाठी एक विशेष गृहकर्ज मोहीम आणली आहे, ज्याची अंतिम मुदत 31 मार्च 2024 रोजी संपत आहे. या योजनेंतर्गत ग्राहकांना गृहकर्जावर 65 ते 75 बेसिस पॉइंट्सची सूट मिळत आहे.

4) IDBI बँकेची विशेष FD योजना

IDBI बँकेने आपल्या ग्राहकांसाठी एक विशेष FD योजना देखील आणली आहे, ज्यामध्ये गुंतवणूक करण्याची अंतिम मुदत 31 मार्च 2024 रोजी संपत आहे. या विशेष योजनेअंतर्गत सर्वसामान्य ग्राहकांना 7.05 टक्के ते 7.25 टक्के आणि ज्येष्ठ नागरिकांना 7.55 टक्के ते 7.75 टक्के व्याजदर देण्यात येत आहेत. या योजनेची अंतिम मुदत 31 मार्च 2024 रोजी संपत आहे.

5) कर सवलतीसाठी गुंतवणुकीची अंतिम मुदत

जर तुम्हाला आर्थिक वर्ष 2023-24 मध्ये कर सवलतीसाठी गुंतवणूक करायची असेल तर शेवटची संधी 31 मार्च 2024 आहे. जर तुम्ही या तारखेपर्यंत PPF, SSY सारख्या योजनांमध्ये गुंतवणूक केली तर तुम्हाला या आर्थिक वर्षात आयकराच्या कलम 80C अंतर्गत 1.50 लाख रुपयांची सूट मिळू शकते. त्यामुळं 31 मार्च 2024 पूर्वी ही सर्व कामे उरकावीत.

महत्वाच्या बातम्या: