होळीच्या चीनी वस्तूंवर भारतीय व्यापाऱ्यांचा बहिष्कार, चीनला 10 हजार कोटींचा फटका

यावर्षी कोरोनामुळे (Corona) बाजारपेठेत मंदी जरी असली तरी भारतीय व्यापाऱ्यांनी चीनच्या होळीच्या वस्तूंवर (Chinese Product) बहिष्कार टाकल्याचं दिसून आलंय.

होळी

नवी दिल्ली : होळीच्या दिवशी दरवर्षी उत्तर भारतातील  बाजारपेठा चीनी मालाने व्यापून गेलेल्या दिसून येतात. पण या वर्षी चित्र काहीसं वेगळं आहे. या वर्षी उत्तर भारतातील, खासकरुन दिल्लीच्या व्यापाऱ्यांनी चीनच्या मालावर बहिष्कार टाकला असल्याचं दिसून आलंय. त्यामुळे चीनला सुमारे 10 हजार कोटी रुपयांचा फटका बसल्याचं दिसून आलंय.

गेल्या काही महिन्यांपासून भारत आणि चीन या दोन देशादरम्यान तणावाचं वातावरण आहे. त्याचा परिणाम या दोन देशादरम्यानच्या व्यापारावरही झाल्याचं दिसून आलंय. यावेळी आधीच कोरोनामुळे व्यापारी चिंतेत आहेत, त्यांना मोठ्या मंदीचा सामना करावा लागतोय. पण तरीही त्यांनी चीनच्या स्वस्त मालाची आयात न करण्याचा निर्णय घेतला आहे हे विशेष.

देशातील सर्वात मोठी बाजारपेठ समजल्या जाणाऱ्या दिल्लीच्या सदर बाजारात यावेळी रंगांच्या दुकानांची संख्या कमी आहे. कोरोनामुळे या दुकानातील ग्राहकांची संख्याही कमी दिसत आहे. या दुकानातून चायनीज पिचकारी आणि रंग गायब झाल्याचं दिसून येतंय. 

गेल्या दहा महिन्यात चीनला 80 हजार कोटींचा फटका
होळीच्या काळात दरवर्षी चीनमधून 10 हजार कोटींचे सामान आयात करण्यात येते. त्यामध्ये रंग, अबिर, गुलाल, प्लॅस्टिकच्या पिचकारी आणि इतर साहित्यांचा समावेश होतो. पण या वर्षी व्यापारांच्या राष्ट्रीय संघाने चीनच्या साहित्यावर बहिष्कार टाकण्याचा निर्णय घेतलाय. त्यासाठी व्यापारांच्या वतीने एक मोहीम चालवण्यात आली होती. त्यामुळे गेल्या 10 जून 2020 पासून आतापर्यंत सुमारे 80 हजार कोटी रुपयांची आयात न झाल्याने चीनला फटका बसला आहे. याला कोरोनाचे कारणही तितकेच जबाबदार आहे. 

कोरोनामुळे 25 हजार कोटींचे नुकसान
व्यापारी संघाच्या एका अहवालानुसार, कोरोनाच्या संकटामुळे या वर्षी देशातील व्यापाऱ्यांचे 25 हजार कोटी रुपयांचे नुकसान झाले आहे. केवळ दिल्लीतील व्यापाऱ्यांचे दोन हजार कोटींचे नुकसान  झाल्याचं दिसून आलंय. कोरोनामुळे आतापर्यंत देशातील जवळपास 40 हजार सार्वजनिक कार्यक्रम रद्द करण्यात आले आहेत. 

महत्वाच्या बातम्या :